​Apple iPhone 滿七歲! 網友談 iPhone 的難忘事、開心事

虎仔 / 馬日山 2014-06-28 17:49 | Apple

說  6 月 29 日是手機界的大日子絕不為過，因為 2007  年當日是 Apple 發售 iPhone 的大日子。無論你是否 iPhone 用戶，無可否認 iPhone 都為智能手機發展帶來影響。今日就趁著 iPhone 發售 7 週年回顧一下當年的盛況，作為向初代 iPhone 一個致敬。



當年 ePrice 網站還叫 phonedaily，版主們已經為網友帶來 iPhone 的最新資訊。看看「簡單！有驚喜！Apple iPhone 相機實測」可以見到當時 iPhone 相機只有 200 萬像素，更不可以拍短片，今天 iPhone 5s 已經足以拍攝專業的廣告短片。另一篇文章「Apple iPhone 功能大圖鑑 + 解話音 lock 新消息」，可以見到有水貨店宣稱首批解話音 Lock 的 iPhone 8 月初返貨，即場買要 $9,880（最後是冇貨賣，撻 Q 收場）。而「iPhone 被破！萬六蚊代價  打通六台、上到網」更見到先達啲手機店賣 100% 解鎖 iPhone 叫價 $16,800，不過貫徹香港手機迷要快要新，當然有唔少人願意大解慳囊。到了 9 月，硬件解鎖方式出籠，售價回落至 $9,380，亦是用戶開始陸續入手的時候。



初代 iPhone 香港冇行貨，粉絲用家都要用炒價捱貴貨。現在買 iPhone，網友只要到 3 間 Apple Store 或者大型電器店、電訊商就可以買得到。iPhone 的廣告相信大家都睇唔少，不如讓我們重溫一下初代 iPhone 開賣前，美國版的廣告。



7 年來，相信唔少網友都有用過或接觸過 iPhone。有什麼和 iPhone 有關的難忘事、開心事，留言同我哋分享下。