▲現時在先達稱「行貨」的 iPhone 5c 16GB 賣 $4,000 左右，比起大鋪便宜幾百
iPhone 5c 暗價減 $300 清貨？ iPhone 5s 場價平官方 $1,000！
大家應該好想知道邊度會有平價 iPhone 賣。其實就係蘇寧用 $4,398 的價錢去賣 iPhone 5c (16GB) ，比起 Apple 官方定價 $4,698 便宜 $300 ，可惜 32GB 版本就沒有平價了。版主亦去過其他大鋪門市問，百老匯、豐澤和衛訊的店員都表明沒有折扣，Apple 的手機果然價格夠硬
。至於 iPhone 5s 呢？版主就問過幾間大鋪都沒有平貨，全部地方都是跟 Apple 官價賣。傳聞九月就會有新 iPhone ，近日連零件都流出了，可能因為咁先達的 iPhone 5s 價錢似乎「崩盤」了。 16GB 的 iPhone 5s「全新行貨」賣價 $4,800 ~ $5,000 ，而 32GB 版本大約賣 $5,200 ~ $5,400 ，最誇張的是 64GB 版本，原價 $7,188 在先達場內 $6,100 就可以買得到「全新行貨」，足足平 $1,000 ！當然全部都是海鮮價錢啦，亦有機會是回收回來的二手機，博唔博得過就自己諗清楚啦。不過根據以往的經驗想買平價 iPhone 都係等下一代推出之後 Apple 自動減價
。話說今年新 iPhone 傳聞用屈唔爛既藍寶石屏幕，我最期待的不是新機價錢，而是 Drop Test 啊！大家會唔會揀係呢個時侯先入手 iPhone 5s/5c 呢？iOS 8 如果可以與新 iPhone 同步推出，又有冇用緊 Android 既網友打算轉會呢？留言發揮一下意見吧！
▲版主同樣到過其他大鋪例如百老匯、衛訊等問，店員都說沒有減價
▲現時 iPhone 5s 「全新貨」 32GB 賣到 $5,200 ，而 64GB 最平 $5,600 ~ $5,700 有交易，比起定價便宜不少啊！當然未必買到行貨就是了，加上新一代 iPhone 都有傳聞中的零件流出了，大家還是會等新的吧？
在文章刊出的時侯，iPhone 5c （16GB）定價 $4,688 ，按此看詳細規格和最新賣價。
在文章刊出的時侯，iPhone 5s （16GB) 定價 $5,588 ，按此看詳細規格和最新賣價。
