「百佳卡」會員限定！！9 月 15 號訂 iPhone 6 唔搵先達搵黃老太

Eddie 2014-09-12 20:01 | Apple

如果你年紀同版主一樣有番咁上下，都應該知道邊個係「黃老太」（就算年輕少少既，都應該睇過《百變星君》吧？）估唔到今次 iPhone 6 要買機唔係去搵乜哥物哥，而係要搵「黃老太」幫手！點解？咪就係因為豐澤就係 9 月 15 號開放訂 iPhone 6 ，不過講明只賣比「百佳卡」會員，真係要趕絕排隊黨？

豐澤訂機限定「百佳卡」會員！預先登記制度打擊「排隊黨」？

我之前都同大家講過，已經有消息確定今年豐澤會賣 iPhone 6 ，排隊黨都諗住加價請人。不過今年豐澤都學 Apple 推出預先網上登記制度，要係 9 月 15 號星期一朝早 10 點預先上網登記，先可以係 9 月 19 號係豐澤門市買 iPhone 6/ iPhone 6 Plus ，至於登記左幾時有機呢？原來都唔係排隊就得，因為係需要用電話通知幾時有機攞，換句話說打算去豐澤門口排隊既，可以唔使日晒雨淋啦。

比較特別既就係要登記係豐澤買 iPhone 6 / iPhone 6 Plus ，就一定要係易賞錢卡（版主叫它百佳卡）會員，而家申請都黎唔切架啦，因為佢地寫明只接受 2014 年 6 月 30 號之前申請既易賞錢會員。聽講已經有排隊黨請左幾十個南亞人，睇怕都可以慳番筆錢去收購易賞錢卡號碼啦。估唔到今次要買 iPhone6 / iPhone 6 Plus 竟然唔係去要去先達，而係要搵「黃老太」，唔知今次限定會員制訂機需唔需要「食骨」呢？版主既意見就係……你懂的


▲係諗點樣買 iPhone 6 既同時，大家來重溫一下黃老大的經典廣告吧（版主好似自爆年齡層了）

iPhone 6 , iPhone 6 Plus 網絡商出機大法:
3 香港劏機最抵
csl. 數碼通加價邊個抵
iPhone 6 劏機上台有著數？！中國移動香港月費版主同你計！

ePrice.HK iPhone 6 消息最前線! Click 入最齊 iPhone 6 評測、介紹、出機最抵方法