iPhone 6 先達偷步開賣！ 128GB 賣 $13,500！預計明日機價 $9,500 起！
先達地鋪臨近 10 點就將一批 iPhone 6 同埋 iPhone 6 Plus 放出來賣，其實版主都收風收得遲，只不過遲左 5 分鐘去就已經賣晒，不過原來唔只一間有貨，地鋪已經有三、四間開始賣 iPhone 6。版主問過暫時只有 iPhone 6 128GB 版本賣，開價 $13,500 比原價貴近 $6,300 ，不過用兩、三萬蚊去買偷步機既就真係要呻笨啦，遲半日平幾千蚊啵，所以咩大陸炒到兩萬蚊人仔既聽過就算，聽日放機唔好咁貪心。另外亦都有鋪肯乖乖地聽日先賣機，場內亦都掛起左 iPhone 6 同埋 iPhone 6 Plus 既「最低價」， iPhone 6 賣 $9xxxx ；而 iPhone 6 Plus 賣 $1xxxx ，問過店員佢地話呢個係 16GB 香港行貨的大約價錢，也就是炒貴 $3,000 ~ $4,000 ，相信大家對回收價都有個預算啦？不過有樣野要講，就係今年 Apple 將 iPhone 6 / 6 Plus 既白裝轉左做「白盒」，我初時都覺得有假懷疑係工程機，但行內朋友都話呢個先係堅料包裝，或者係大陸偽包裝 iPhone 太多，所以要轉包裝去社絕掛
。
▲版主問過聽日就會有香港行貨番，賣價 iPhone 6 會賣 $9,500 左右，炒貴約 $4,000 ，回收賺 $3,000 應該不難？
▲呢個先係 iPhone 6 正式包裝？版主都係唔評論啦，網友們自己講！
想知道 iPhone 6 、 iPhone 6 Plus 開賣時第一手消息？記得 Bookmark 我地既 iPhone 6 買機攻略！
iPhone 6 、 iPhone 6 Plus 入手消息：
【回收價】開賣前夕先達回收價確認破萬！
【大鋪消息】確認豐澤、衛訊會賣 iPhone 6、 iPhone 6 Plus
【蘋果產品專賣店】排隊黨出動！部份專賣店會賣但冇 Walk-in！【先達偷步賣 iPhone 】 128GB 定價萬三！ iPhone 6 包裝變白盒！
iPhone 6、 iPhone 6 Plus 評測集合：
iPhone 6 機身、屏幕篇iPhone 6 、iPhone 6 Plus 相機表現
iPhone 6 Plus 大屏幕操作體驗
iPhone 6 x iOS 8 體驗
在文章發佈的時侯， iPhone 6 定價 $5,588 起，按此看詳細規格和最新賣價。
在文章發佈的時侯， iPhone 6 Plus 定價 $6,388 起，按此看詳細規格和最新賣價。