▲回收價跌，但場內 iPhone 6 價錢不見得跌好多， 16GB 仍然賣 $8,800 ~ $9,000
放風停收堅定流？初日收機價基本穩定！唔急放機咪再等！
首先大家最想知道既，應該就係 iPhone 6 係咪己經炒燶左？下午已經有鋪放風出黎話唔收 iPhone 6 ，不過版主 3 點去到先達既時侯、仲有人放機 iPhone 6 (16GB) ，我仲問到 64GB 同埋 128GB 既價位，當然係有鋪話唔收，不過要放機行多幾間都仲搵到門路。另外係附近百老匯門既既「收機位」仍然有人收 iPhone 6 各個容量，價錢同先達相約（有可能低 $100 ~ $200) ，我可以同你講仲未封盤。價錢方面就已經波動冇朝早咁大，大約都係下面表格既價錢，今年三種顏色都冇特別既需求，所以唔使諗金色會放得比較高啦，如果今日夜少少去放機可能都係上下波幅 $200 ~ $300，唔急放機既可以 Hold 貨。不過唔好問版主知唔知 iPhone 6 回收價聽日會唔會升番，因為冇人可以答到你。而家呢個情形店員想收機既又點會同你講聽日好價，聽日先放？老實少少既都係答你：唔知！一切都係有風險（大家明白炒賣是有風險吧？
）有網友就話而家先達係恐慌性拋售，有人將價錢壓低。其實都係供求問題，今年有兩部 iPhone 6 同埋 iPhone 6 Plus ，不過需求又唔會突然多左一倍，大家就明白為何比以往賺得少吧？但我又聽到一個講法，就係而家係將 iPhone 6 個價錢壓低，「溝淡」 iPhone 6 Plus 既回收成本再運番大陸賣，係真係假就冇法確定，大家又點睇呢？留言講講吧！
▲收機價低？版主問到有更低的，但店員都話差唔多穩定， $8,000 樓下都收唔到機會乾脆停收
▲門口在 3 點多仍然有人在放機，版主聽到 16、 64 、 128GB 都收，價錢與先達相約；不過 IFC 已經有人停收 64GB 了
iPhone 6 Plus ， 9月 19日 下午三時回收價
| 先達回收價 | 比起原價賺 | |
| 16GB | HK$14,000 | HK$7612 |
| 64GB | HK$15,000 | HK$7812 |
| 128GB | HK$17,000 | HK$8912 |
iPhone 6 ， 9月 19日 下午三時回收價
| 先達回收價 | 比起原價 | |
| 16GB | HK$8,300 | HK$2,712 |
| 64GB | HK$8,800 | HK$2,412 |
| 128GB | HK$9,400 | HK$2,212 |
iPhone 6 、 iPhone 6 Plus 入手消息（9月 19 更新）：
香港、澳洲連線! iPhone 6 / 6 Plus 開賣直擊 (不停更新)
邊度放機放得多？iPhone 6 / 6 Plus 網友實時收機報價iPhone 6 開賣甚瘋狂! 百老匯炒貴一萬蚊
iPhone 6 / iPhone 6 Plus 旺角先達回收價最新匯報 (中午版)
【放風停收 】iPhone 6 Plus 先達價錢企穩！iPhone 6 恐慌性拋售？
iPhone 6、 iPhone 6 Plus 版主、網友評測分享（9月19 更新）：
iPhone 6、iPhone 6 Plus 版主上手！新舊 iPhone 簡單拼！網友開箱! iPhone 6 與 iPhone 6 Plus 近距接觸
解像度、可視角度、顏色如何？iPhone 6 / 6 Plus 屏幕拼 Android
在文章發佈的時侯， iPhone 6 定價 $5,588 起，按此看詳細規格和最新賣價。
在文章發佈的時侯， iPhone 6 Plus 定價 $6,388 起，按此看詳細規格和最新賣價。
想知道 iPhone 6 、 iPhone 6 Plus 開賣時第一手消息？記得 Bookmark 我地既 iPhone 6 買機攻略！
