）。如果心動轉會既網友，今日有個好消息就一定要知，就係傳聞 Apple 將會推出 Android 換 iPhone 計劃去谷銷量，會唔會抵過去大鋪買呢？
為谷銷量推新招？用 Android 換 iPhone 你會轉會嗎？
外國科技站 9to5mac 報導，Apple 近日可能將推出一項以舊換新的服務以提高新 iPhone 銷售量；而唔單只可以用 iPhone 換 iPhone ，甚至接受 BlackBerry 同埋 Android 手機既 Trade-in 換機。消息人士透露 Apple 或者採取一套類似於回收 iPhone 的機制，由 Apple Store 的員工對手機外觀、功能等進行檢查跟評估，而決定舊手機的價值，並直接折扣買新 iPhone 的費用。根據資料，蘋果將於這個星期起對員工進行培訓，並會在幾星期內啟動該計畫。 Apple Store 職員將會幫助用戶將聯絡人資料轉移到新 iPhone 上，不過其他資料就需用家自行備份。整個過程都是為了「換機計劃」而去準備的，不過消息人士並無透露這個計畫是否會在全球推行，再講香港已經有「先達」呢個放機好地方，仲需唔需要呢個計劃都係一個問題啊！
講開又講，今日版主行開先達，見到 iPhone 6 (16GB）的回收價仍然有 $4,500 ~ $4,800 (二手機），不過開價更貴的 Samsung Galaxy Note 4 回收價就跌到只有 $3,600 ~ $3,800 ，而其他 Android 機亦在同等價位，反正就是回收價錢打了個 7 折，難怪大家都話 iPhone 保值值得買。如果 Apple 真係推出官方 Trade-in 服務，大家又會唔會考慮「放」比佢地呢？
▲ 之前就已經推行的蘋果產品以舊換新計畫，包括 iPhone、iPad、Mac 等多種產品，但版主係 Apple 官網搵，香港是沒有的
▲ 不過以 iPhone 4S 為例，Apple 回收的價值竟只有 35 美元（約 $271 港幣），而家先達回收價都有 $750 啦，估計就算用 Android 都係賤價 Trade-in
題外話：尖沙嘴 Apple Store 幾時開？
講起 Apple 既消息，版主又諗起之前傳出尖沙嘴會開 Apple Store 的傳聞，今日版主都去過廣東道睇，傳聞會開 Apple Store 的鋪位仍然未裝修好，唔知等到幾時先開。有人就話當推出新 iPhone 就會開多間，不過係咪屬實就不得而知啦。
▲尖沙嘴的 Apple Store 其實已經準備了好耐，好耐，好耐；會唔會係新 iPhone 推出既時侯開放？
資料來源：9to5mac
