首先講左大舖先，版主就去左豐澤、百老匯、蘇寧同埋衞訊去問過，亦都準備同大家講下有咩結果。如果你想聽日就有現貨的話，咁我就建議你去百老匯買，據了解暫時係得百老匯可以答實我聽日係有現貨發售，但係價錢方面呢就仲未有消息。豐澤方面，佢就話門市係無得買嘅，如果真係要買，就要上網預訂，不過大前提你要係易賞錢會員先得，但係不幸地名額又已滿，咁所以呢，簡單黎講就係暫時未有得買。咁至於蘇寧同衞訊呢，呢兩間公司都表示暫時未知幾時有得買同價錢幾錢。
▲ 百老滙問話明天有得買，但價錢未知。
▲ 要做易賞錢會員先有得訂購，不過名額已滿。
▲ 一切資料未知。
▲ 衛訊都係未有消息。
至於專門店方面，版主就問左 New Vision 同埋 1spot，New Vision 就好肯定咁表示門市無現貨賣喎，要買就要自己上番官網訂。版主好好奇一樣野，明明 New Vision 係屬於版售 Apple 產品嘅專門店，聽日呢個大日子居然無得發售。而 1spot 方面就表示，佢地果度有現貨，唔需要訂，但實際售價係幾多，就佢地都未知，淨係話實會比正價貴，不過呢點就一定架啦!
▲ New Vision 稱話無貨，要到 Apple Store 訂。
▲ 被 Apple 授權的代理商，係旺電裡面。
講埋細舖，細舖方面好多舖頭都表示聽日就會有貨，間間舖賣嘅價錢都差不多，咁版主就分享其中一間舖嘅價錢俾大家參考下，等大家大約有個概念，盡量以最低價錢入手 iPhone 6s 同 iPhone 6s 啦!
以上價錢為明天開售的價錢，純粹俾大家作個參考，如果你行過見到仲貴過呢個價錢，都知唔好買喇! 而且，呢個價相信會隨住時間而降低，所以如果你唔係話好急住用嘅話，咁就建議你等下啦! 你哋有幾多個聽日會買 iPhone 6s?
iPhone 6s / 6s Plus 開售搶購秘技專集
一條 Link Click 入即買新 iPhone
一條 Link Click 入即買全新 iPad Mini 4
一條 Link Click 入即買 Apple Watch
iPhone 6s Plus 極速實試及 Hands On
iPhone 6s 開售! 話你知邊度有得買+參考價錢
小心中伏! 網絡商買 iPhone 6S 揀錯 Plan 蝕一千
教你應付 iPhone 6s 爆芒後的最佳處理方法
成像更靚！iPhone 6s Plus 實機試拍相片搶先睇
首賣 iPhone 無人理？中聯通大搞 6s／ 6s Plus 發售活動
大件事！iPhone 6S 太多貨，網絡商未出先傾銷?
iPhone 6s 銷量無減反增? 睇下 Apple 點講.....
版主教你 6 個步驟，超快係 AOS 搶 iPhone 6S