雖然版主自己傾向中意用大芒機，更曾經質疑過，到底 4 吋芒的手機係咪真係合符普遍香港人的口味，但無可否認的是，細芒機始終會有佢嘅市場。根據最新消息指出，Apple 早前在紐約為 iPhone SE 拍攝一段宣傳短片，主打 4K 影片攝錄，而這段短片將會在發佈會上展示俾大家睇。亦即係話，雖然新 iPhone 機仔細細咁，但其實佢嘅規格方面，係可以媲美 iPhone 6，而佢嘅相機更同 iPhone 6s 一樣，能夠拍攝 4K 影片，可謂水準相當高唷!
綜合目前最新的傳聞，iPhone SE 將會採用 4 吋 2.5D 屏幕，並同 iPhone 6s 一樣，具有玫瑰金色。iPhone SE 有傳會採用 1200 萬像素主鏡頭，支持更大的全景拍攝，拍片過程依然能夠自動對焦，而且仲支持 iPhone 6s 的 Live Photos 拍攝 (不過無 3D Touch)。iPhone SE 可能會配備 A9 處理器，並會具備 Apple Pay、NFC 等功能，而且支持藍牙 4.2、VoLTE 以及 802.11ac Wi-Fi。
來源：Apple Insider