今年有無得炒呢？舊年數據分析 iPhone 7 有無得炒！
點解指明係借助舊年數據呢？有一個共通點：兩年都係香港、中國同時有首賣。不少人說，如果中國都有首發的話，就代表會少左大陸人落黎香港搶，咁就變左炒唔起。係唔係真呢？好難講，只能說不一定，其中一個因素，當然就是該部 iPhone 本身的吸引程度，大陸人 buy 唔 buy。就好似 iPhone SE，咁細個芒並非亞洲人所好，加上大陸貨源又充足，所以就更加無得炒。iPhone SE 咁細個芒就話無得炒，咁上年的 iPhone 6s 又點呢？當時網友對 iPhone 6s 的反應一般，話佢同 iPhone 6 分別不大，係多左隻玫瑰金色，咁又有無得炒呢？就算改得唔多，新色還是有炒賣的空間......
大芒炒到機會比較大
睇番上年 iPhone 6s 系列開賣，第一輪的回收價真係嚇到人心都離一離，在銅鑼灣 iPhone 6s 不夠 10 分鐘就已經全面停收，而就算係 64GB 的玫瑰金，在停收前都只係收 $7050，賺得果 $700。至於大芒嘅 iPhone 6s Plus 炒情就相對樂觀，但賺到盡最多都只得 $1500。而去到開賣當日的後期，已經唔再係考慮賺到幾多，而係要擔心放唔放到。不過，從舊年數據來看，基本上只有 iPhone 6s Plus 玫瑰金 64GB 在先達穩陣有人收，以及賺到四位數字，但由此都可以看出，只要係大芒機以及新色，其實點都有得炒。
▲ 以上為舊年 iPhone 6s 開賣當日大概的回收價，可以見到賺得唔多，但都有少賺。不過 iPhone 6s 就比較少舖頭收，反而 iPhone 6s Plus 玫瑰金色就比較吃香。由此可見，如果想穩賺，可以考慮入手大芒機。
大容量亮黑色 iPhone 7，賺多機會大
睇完上年的數據，大家知唔知點解，iPhone 6s 咁難炒呢？唔知大家仲記唔記得，舊年 iPhone 6s 預訂的時候，發現原來大陸 iPhone 6s 大把貨，就連玫瑰金色的情況都係一樣，導致 iPhone 6s 更加難炒。不過咁，雖然話就話難炒啲，但只要你快手啲，唔好貪其實都仲有機會有少賺。咩叫唔好貪？即係一攞到機，邊度仲肯收又唔蝕就好放......講嘅係上年的情況咋喎！今年又點呢？網友最期待的顏色亮黑色，不少消息指出，包括先達店員都講，貨源並不多，意味住應該會好吃香，再加上今年的 iPhone 7 吸引力非去年 iPhone 6s 可比擬，而且本身配置亦強一大截，加上又有眾人最愛我大容量 256GB，所以從目前估計，今年，特別是 256GB 的亮黑色，有得炒的機會好大，而且賺的一定會比去年更多。網友又點睇呢？
iPhone 7 & 7 Plus 功能解構
真係好靚！iPhone 7 最有得炒的 果然係新色亮黑
iPhone 7 用 A10 Fusion 處理器! 慳電，夠爽
炒機定自用？iPhone 7 系列相機升級 + 有雙鏡
無 3.5mm 插位，是福是禍？iPhone ７屏幕 + 耳機效能大解構
iPhone 7 兼容 Felica 技術 未來八達通或可配 Apple Pay 使用
首度進軍手機《Super Mario Run》年底 iOS 首發
iPhone 7 & 7 Plus 賣買攻略
今年有無得炒？iPhone 7 / iPhone 7 Plus 售價 + 首發地區
訂 iPhone 7 Plus 亮黑 ! 9 / 9 三點鐘 AOS 買機攻略 (附一按即通連結)
Mark 低日子搶 iPhone！iPhone 7 系列 預訂 + 香港賣價！
前代 iPhone 6s 系列、iPhone SE 大減價，最多劈 $1700 入手是時候？
Apple Watch 2 代
50m 防水、內置 GPS、Nike+ 加持！Apple Watch Series 2 發表
變做運動邊捉寵 Apple Watch 可玩《Pokemon Go》
睇完 iPhone 7 嘅資訊，咁點樣出機先最著數？版主聽聞去 C 記預訂 iPhone 7，出機會比較快，仲可以享受 Offer！點樣出機，立即 Like 佢地嘅 Facebook Fanpage，玩遊戲得[生果]大獎，大獎係乜你地明白架啦! 仲會收到 C 記最快嘅出機消息添
iPhone 7 係文章刊登時，賣價分別為 $5588 (32GB)、$6388 (128GB) 和 $7188 (256GB)。按這裡有更詳細規格。
iPhone 7 Plus 係文章刊登時，賣價分別為 $6588 (32GB)、$7388 (128GB) 以及 $8288 (256GB)。按這裡有更詳細規格。