必知重點 001：甚麼是 iReserve?
相對 AOS 來說，iReserve 可謂係一個零成本的遊戲，點解咁講？因為 AOS 訂機的話，想退機的話，真係會有點麻煩，唔係咁容易，而 iReserve 就簡單得多，直接拎番去 Apple Store 退就 OK。所謂 iReserve，其實就係用來俾網友預約到 Apple 實體專門店買 iPhone 的系統，按照呢兩年 Apple 的做法，在 AOS 預訂的同時，iReserve 都好大機會會同時開啟。最簡單的做法係，首先 Login 定你嘅 Apple ID，然後再選擇 iPhone 型號、容量、顏色、取貨地點，再輸入一些個人資料，之後你會收到認證碼，最後就會有一封確認電郵，到時你就可以按照電郵上的指定時間、地點去買 iPhone 7 啦！
必知重點 002：一定要準備好一個 Apple ID
無論你係利用 AOS 買機，抑或係 iReserve 預留即日買機名額，有 Apple ID 是常識吧？所以呢，無 Apple ID 嘅你地，就快啲趁住 AOS / iReserve 未開放，立即申請番個先！呢點真係好重要！
必知重點 003：準備一個收到 SMS 嘅電話號碼
頭先都講過，當你 Login 左你嘅 Apple ID，入哂所需的資料，Apple 就會透過 SMS 發送認證碼俾你，然後你要用手機 send 番認證去 Apple 指定號碼，而在這個過程中，你會被扣除一個 SMS 收費的。最後當你收到回應認證碼，再填入預訂網站，咁就完成。
必知重點 004：神號唔駛 SMS
以往有部份 Apple ID 係可以跳過 SMS 驗證直接進行 iReserve 的，不過其實都有方法讓你在訂機時，跳過呢個步驟：只要你登入 Apple 網站，開完個 Apple ID 填哂所需資料，Apple 就會俾一個認證碼你。認證完之後再去「雙重驗證碼」的選欄入面，選擇「開始使用」，輸入番你收到 SMS 的手機號碼，然後你會收到一個驗證碼，在電腦上輸入驗證碼，就可以完成啟用雙步驟驗證。之後當你登入 APPLE 官網的時候，你就會先進行 SMS 驗證，到買機果陣就唔駛再驗證多次。
必知重點 005：HKID 最快輸入
揀哂 Model 之後，Apple 會要你輸入你的 HKID 卡號碼，係用黎買機果日核對資料。身份證號碼唔駛理大細階，括號都可以唔駛打，但就唔好入錯。
必知重點 006：iPad / iPhone 有無用？
iPad / iPhone 都有一個叫 Apple Store 嘅 App 用來買 Apple 產品，當然包括 iPhone。而根據上年往績，似乎用呢個 App 訂機的確係有用，所以你有 iPad / iPhone 的話，不妨都開住佢打孖上！
想知 Apple Online Store 預訂有乜野要知，請按這裡。
iPhone 7 & 7 Plus 賣買攻略
四個要點 6 個步驟，下午三點 超快係 AOS 搶 iPhone 7 亮黑
純數據分析！iPhone 7 炒價必升舊年
今年有無得炒？iPhone 7 / iPhone 7 Plus 售價 + 首發地區
訂 iPhone 7 Plus 亮黑 ! 9 / 9 三點鐘 AOS 買機攻略 (附一按即通連結)
Mark 低日子搶 iPhone！iPhone 7 系列 預訂 + 香港賣價！
前代 iPhone 6s 系列、iPhone SE 大減價，最多劈 $1700 入手是時候？
iPhone 7 係文章刊登時，賣價分別為 $5588 (32GB)、$6388 (128GB) 和 $7188 (256GB)。按這裡有更詳細規格。
iPhone 7 Plus 係文章刊登時，賣價分別為 $6588 (32GB)、$7388 (128GB) 以及 $8288 (256GB)。按這裡有更詳細規格。