第一輪 Apple Store 門外回收價！大黑 128GB iPhone 最高賺 $2100

左定坤 (Cho Ting Kwan) 2016-09-16 09:15 | Apple

有得炒，定無得炒，第一回合終於有結果了！就在剛剛，iPhone 7 / iPhone 7 Plus 終於正式開賣，頭先版主都已經同大家分享過現場情況，都知道有不少收機佬在 Apple Store 門外收機，大機有得賺基本上係預左，而好多人擔心，到底細機有無得賺，會唔會蝕，就等版主同大家分享第一輪 Apple Store 門外的回收價結果吧！

iPhone 7（Facebook）.jpg

細機 iPhone 7 蝕住賣！有得放盡快放
版主的線眼分別佈於銅鑼灣、尖沙咀以及又一城 Apple Store，呢三個地方同時都有收買佬站在店舖門外收機，收的價錢到底如何呢？細機又有無得賺呢？一如所料，細機似乎真係無市場，又一城方面一開波已經話，細機全部「－200」回收，即係擺到明細機無得賺。不過，上年玫瑰金都忽然間有機會回升，買左細機的網友，你會考慮 Strong Hold 還是蝕住放？但係，開賣半個鐘左右，似乎想搵收細機的收買佬都比較難，銅鑼灣甚至亦都唔收了，所以如果有得放的，建議就唔好搏，早啲放左佢了。

大機最高可賺超過 $2100！
至於大機方面又如何？版主有朋友就成功買到黑色 128GB 的 iPhone 7 Plus，並幸運地以 $9500 的筍價，放出大黑 128GB，賺到超過 $2100。點解可以放到咁高價？原來，佢係同外國人 deal，得出來的回收價。但係如果係香港人出價，就只有 $8200 左右，但係睇個趨勢，似乎黑色 iPhone 今年比較受歡迎，賺得相對地多。同埋，如果你要放機的話，不妨留意下有無外國人收機，有機會會有意外收穫呢！要留意的是大粉 256GB，原本都仲放緊 $8900，到大概 8:45 開始有人唔收，回收價亦跌至 $7900。另外，就算係大機都好，32GB 版本到後期都開始唔收了。網友在現場又是甚麼的情況呢？留言講下吧！

▲ 有收機佬就表示，如果係細機嘅話，就唔好買了。所以記住，買左就速放，未買可以考慮唔買慳番，除非你預左賣唔出的話自用。

Apple Store 門外報價表 (只作參考)：

顏色	32GB	128GB	256GB
大銀		+412
大金	+412	$7900 (+512)	+500
大粉		+12 (最高見過 +1000)	$7900 (最高見 $8900)
大黑		+500 (最高見 $9500)
大亮黑		$9000	$9400