邊個網絡商咁大膽，連 Apple 產品都賣到咁賤價？之唔係 csl. 囉！臨近聖誕，今次佢地推出了「愛買才會潮」限時優惠，由今日起一連五個星期，每個星期都會有不同的特別驚喜！嘩淨係睇佢第一發，已經知有幾驚喜啦，一次過將 Apple 產品，包括 iPhone、iPad、Apple Watch 以超低價賣。
▲ 今日係第一彈，實際存貨量有幾多，似乎就無寫到，不過估計都唔會太多，售完即止。
平過細舖 $800！iPhone 6s Plus 跌到落三字頭？
講左 iPhone 先，七折賣，不過講緊嘅係舊代 iPhone 6s / 6s Plus，有無伏先？要說到伏點，應該就係佢只有 16GB 版本，對於今時今日來說，16GB 仲要無得插卡，真係叫救命咁滯！價錢係平嘅，iPhone 6s 賣緊 $3142，而 iPhone 6s Plus 則賣 $3772，要知道 iPhone 6s、iPhone 6s Plus 深水埗細舖賣價都分別仲要 $3680、$4580，csl. 今次呢個優惠，真係平細舖足足 $800。
▲ 呢個價，抵係抵，但 16GB 仲要無插卡，並非常人能接受到。你會考慮入手嗎？至於唔想要 16GB，依然可以考慮深水埗細舖，iPhone 6s 32GB 以及 128GB 版本，賣價分別約 $4330 和 $5230; 而 iPhone 6s Plus 兩個版本賣價則分別約 $5080 和 $6180。
細舖仲使賣嘅？iPad Air 2、iPad mini 4 平過細舖最多 37%！
唔好講新 iPad，就算係舊 iPad，都唔係成日有價減。而 csl. 今次來過瘋狂劈價，會唔會對細舖構成影響呢？今次減價的平板有 iPad Air 2 以及 iPad mini 4 Wi-Fi + Cellular 版本，同 iPhone 的情況一樣，都係只有 16GB。睇睇 csl. 的賣價先，兩款 iPad 同樣都係半價賣，$1994 呢個價係咪好抵呢？比較一下深水埗細舖，版主留意到 iPad Air Wi-Fi + 4G 版本似乎已經無貨，得番 Wi-Fi 版，而 iPad mini 4 Wi-Fi + Cellular 版本，16GB 最新賣價則約 $3180。如此一比，csl. 呢個價平細舖成 37.2% 咁多，你又會唔會入手？
▲ 無辦法，優惠只有 16GB，想平買高容量版本的話，細舖 iPad mini 4 Wi-Fi + Celluar 另外仲有 64GB 版本，賣 $4780，其實唔算十分貴，但真係比較起 csl. 個 offers，呢個價錢突然間變成了「天價」。你又點睇？
最平一千蚊入手 Apple Watch！
除左 iPhone 同 iPad，Apple Watch 都做緊半價優惠，Apple Watch Sport 38mm、42mm csl. 賣價分別為 $1044 以及 $1144，而 Apple Watch 不鏽鋼錶殼 38mm、42mm 則為 $2144 以及 $2344。呢個價錢可以平玩 Apple Watch，係時候加入 Apple Watch 的陣營吧？
▲ 要注意的是，兩款 Apple Watch 都是 2015 年版本的。
來源: csl. 網上商店
按這裡有 iPhone 6s 詳細規格及最新賣價
按這裡有 iPhone 6s Plus 詳細規格及最新賣價
