果然不出所料，iPhone X 同傳聞中的一樣，真係用上了全面屏設計。雖然全面屏並不是 iPhone 首創，先有 Sharp 後有小米，但因為佢係 iPhone，有光環，所以都係正嘅！iPhone X 有兩隻顏色，分別為太空灰以及銀色，用了 5.8 吋 OLED 屏幕，解像度達 2436 x 1125，支持 458ppi。 與此同時，iPhone X 的屏幕下方取消了實體 Home 鍵，在閉屏模式下只要輕輕一碰屏幕，就能夠點亮。咁要點先可以喚出 Home 鍵呢？好簡單，只要從屏幕下方用手指向上掃，就能夠回到主頁。另外，按着側面的按鍵，則能夠快速開啟 Siri。同時， iPhone X 亦支持 Face ID 解鎖新功能。
配置方面，iPhone X 用上了全新的 A11 處理器，運作速度比 A10 快 30%，玩 3D 遊戲表現有所升級。相機有雙鏡頭設計，不像 iPhone 8 / 8 Plus 般的橫向設計，而是改為直向的設計，同樣是 1200 萬像素，光圈分別為 R1.8 以及 F2.4，感光元件比以往更大，並且兩個鏡頭都支持光學防震功能。另外，前置鏡頭方面，iPhone X 亦都支持「直向模式」。在電量方面，iPhone X 續航能力比 iPhone 7 長 2 小時，並支持無線充電功能。
iPhone X 賣價為由 999 美金起跳，10 月 27 日預訂，11 月 3 日上市。
睇完 iPhone X，你認為 iPhone X 有無得炒呢？我就覺得真係好吸引，你點睇？
▲ iPhone X 用上了玻璃機身設計。
▲ 可以見到係全面屏設計，沒有 HOME 鍵。
▲ 有兩種顏色，分別為太空灰以及銀色。
▲ 用上 Super Retina Display，好處如上。
▲ iPhone X 亦支持 HDR 顯示屏、Dolby Vision、HDR10 等等，能夠令畫面對比度更高、顏色更準。
▲ 支持 Face ID 新功能。
▲ 系統會教你如何令手機記住你的容貌。
▲ 仲玩 Emoji？太 out 了！Apple 推出了 Animoji！
▲ 支持直向模式自拍功能。
▲ 支持無線充電功能。
▲ 未來會有 AirPower，可以同時為多部 Apple 產品如 Apple Watch、AirPods 等等充電。