無人搶，先減價？iPhone XR 黃色被劈價！衝唔衝？

虎仔 / 馬日山 2018-12-26 08:57 | Apple

今年蘋果先推 iPhone XS 及 XS Max，明明規格次一等的 iPhone XR，但有好傳媒都要「揾嘢來寫」，揾唔到技術升級，唯有用顏色入手。自 iPhone 5C 後，iPhone 好少用上鮮艷色彩，今次 iPhone XR 用上黃色，還要是香蕉黃！所以本地媒體都強力推介。但熟香港手機業的都知，黃色其實好難賣，你有你吹捧，佢有佢賣不去，所以在新一代 iPhone 銷量麻麻地時間，有大舖選擇用黃色 iPhone XR 來劈價，你是否黃色愛好者，會搶嗎？



由 12 月 26 日至 1 月 1 日，到衛訊門市可以用限時優惠購買 iPhone XR，無論是 64GB、128GB 還是 256GB 都一律即減 HK$300，減價後售價分別為 HK$6,199、HK$6,599 和 HK$7,499，限量 100 部。

但留意的是，只減黃色！



即減三百，其實不算好多，至少不用用舊 iPhone 去換，已經不錯。問題是即滅三百，唔少手機舖都有做，今次清走黃色行動，又有無效果？你會收嗎？