有幾多網友已經用緊 iPhone 12？喺美國 Reddit 討論區都有用戶投訴 iPhone 12 信號相當差！無辦法喺房間裡面打電話，每次打電話都需要行出房外面先收到信號，但用同樣網絡嘅 Android 手機就完全無呢個問題。
睇番條 Thread，其實就唔止一位用戶投訴，而係有好多用戶都投訴話部 iPhone 12 成日 5G 、4G 頻密自動切換，而切換左 4G 後其實個 icon 又係繼續 5G，甚至出現過斷數據網、無信號的情況。甚至黐線起上黎連 WiFi 都無辦法連接。必須重新啟動手機先可以重新 pick up 到信號而正常運作。而上述講到的問題係出現係全系列的 iPhone 12 ，大中細乜都有人 report。
故事仲未完，苦主跑到 Verizon 投訴求助，Verizon 職員直接回應一句話係 iphone 問題，但蘋果售後服務然話係 Verizon 問題。甚至係後續的傳媒查詢時候話，用戶可以透過重新插 SIM 卡，更新系統，又或者轉台就可以解決問題。
其實睇翻 Reddit 論壇，見到過百位網友投訴話無啦啦 lose 信號，有個 iPhone 12 網友仲話自己係揸車時候最容易發現甩信號的問題。懷疑係因為信號切換時，iPhone 軟件無辦法正常處理信號交接而出事，唔知網友部 iPhone 12 有無出現信號差嘅情況？
Source: Tomsguide