001: Lock Screen 更新
Apple 在 iOS 16 推出了新的鎖定屏幕 Lock Screen，在外觀上經過重新設計，可以在鎖定屏幕上加入小工具，並能夠隨意改變畫面風格、時間字型、時間顏色等等。同時亦可在鎖定屏幕上加入天氣、日曆等小工具，而其中的 Live Activities 小工具，可以讓你直接在 Lock Screen 上看到球賽或其他比賽的比分，相當方便。
002: 通知設計變更
為了避免通知會擋住照片，Apple 將通知更改為在底部。
003: 專注模式
Apple 在上年的 iOS 15 上推出了專注模式，而今代 iOS 16 則進一步將這個功能帶到鎖定屏幕上，讓用戶能夠在特定的「專注模式」，使用特定的鎖定畫面背景圖片和小工具，並允許用戶選擇如何過濾通知，例如只關注與工作相關的消息或個人的信息。
004: iMessage 加入編輯 + 撤回訊息功能
iMessage 加入了編輯訊息功能，如果發出了訊息後發現打錯字，你也可以隨時編輯已發出的訊息，又或者可以把訊息收回。另外亦加入了「同播同享」功能，在使用 iMessage 聊天時，能同時同步播放電影或歌曲，並且可以共享播放控制。005: iCloud 共享圖庫
獨立的 iCloud 圖庫可以讓最多六位用戶一齊協作、加入和欣賞相片。用戶可以選擇分享個人圖庫嘅現有相片，或根據開始日期或相中人分享。你亦可以透過相機 App 嘅新切換鍵，選擇自動傳送相片至 iCloud 共享圖庫。
006: 郵件 App 新工具
郵件 App 加入預先排定傳送時間，或者在郵件送達收件人的收件箱前，取消已傳送的郵件。同時，郵件 App 亦能偵測用戶是否忘記加入郵件的重要內容，例如附件。Remind Later 功能讓你安排在指定日期和時間重新顯示郵件；而 Follow Up 功能則會自動提供建議，提醒用戶跟進未收到回覆的郵件。007: Live Text 原況文字功能提升
之前的 iOS 15 上，如果相片上有文字，手機可以辨識並進行 copy & paste，而家呢個功能擴展到影片上，只要你隨時暫停影片，而畫面上有文字，你就可以進行 copy & paste，甚至進行快速轉換貨幣、翻譯等功能。
008: 圖像查詢功能
只要按住相片的主題，就可以將主題從背景分隔出來，並置入到 iMessage 等 App 內。而呢個功能亦擴展至可以辨認雀鳥、昆蟲、雕像等等。009: 聽寫功能更新，可以在語音和觸控輸入之間自由切換
「聽寫」功能讓用戶在語音和觸控輸入之間自由切換，無需停止「聽寫」亦可使用鍵盤輸入，點按文字欄位、移動游標和加入快速輸入建議。另外，「聽寫」亦能自動加入標點符號以及表情符號。010: Siri 新功能
Siri 加入新功能，在下載 App 後無需預先設定，便能運行捷徑。用戶可以在傳送訊息時加入表情符號，亦可以在無需確認嘅情況下，選擇自動傳送訊息。而直接說出「喂 Siri，收線」，則可以完全免提嘅方式收線或者中斷 FaceTime 通話。011: 地圖 App 推出多站路線功能
地圖 App 推出多站路線，用戶可預先計劃最多 15 個目的地，準備好出發時，路線會自動由 Mac 同步至 iPhone，並會為用戶提供交通工具嘅最新資訊，唔使離開地圖 App，都可以查看旅程嘅費用、在 Apple Wallet 加入交通卡、查看餘額、增值等等。012: 健康 App 加入「藥物」功能
好多時睇醫生，有時啲藥有啲 4 個鐘一次，有啲 6 個鐘一次，有啲一日一次，好容易亂。而健康 App 加入咗「藥物」功能，方便用戶建立和管理藥物列表、建立時間表和提醒，並追蹤服用藥物、維他命嘅情況。013: Game Center 重新設計
Game Center 經過重新設計，可以集中一處顯示朋友遊戲入面嘅活動以及戰績，更容易加入一齊玩遊戲或者同朋友比拼。014: 全新 Safety Check 功能
呢個新功能可以幫助用戶喺個人安全受到家庭或者伴侶暴力威脅時，迅速移除所有向其他人嘅權限，包括緊急重設，令用戶可以容易登出所有其他裝置上嘅 iCloud、重設私隱權限，以及限制只可以用自己手上嘅裝置 send message。而呢個功能亦都可以幫用戶了解和管理佢哋將權限授予畀咩嘢人同埋咩嘢 App。015: 輔助使用加入「門戶偵測」等功能
呢個功能之前傳聞都有講過，可以幫助失明或視障人士，利用 iPhone 抵達目的地嘅最後幾呎路程；有肢體或活動障礙嘅用户可借助「語音控制」與「切換控制」等輔助使用功能，在 iPhone 上透過「Apple Watch Mirroring」功能完全操控 Apple Watch。另外，「即時字幕」功能可以讓失聰或聽障人士無論喺通話定 FaceTime 通話、使用視像會議或社交媒體 App、串流播放媒體內容、或者同其他人面對面交談，都可以睇到字幕。