iOS、Android 哪個更好？
iPhone 15 全系列轉用 USB-C，相信令唔少本身用緊 Android 手機嘅用家，會考慮轉會到 iPhone，而根據 Apple 發佈會公佈價錢，iPhone 15 最平嘅版本，賣價 $6899，對於本身用緊 Android 又諗住轉會 iPhone 嘅網友嚟講，呢個價錢係平定貴呢？若果要針對 Android 同 iPhone 的比較，普遍都會有以下嘅印象：iPhone iOS 較封閉，而 Android 則比較開放、有彈性；但太過 Open 又可能帶來一個問題，就係安全度未必及 iOS 好，就以裝 App 為例，雖然一般情況之下，用 Android 多數都會去 Google Play 商店下載 App，不過亦有啲人會想搵啲「破解」程式，自行下載網上 apk 檔，咁就可能會增加咗一啲風險。另外，Android 手機一般用一兩年就開始變慢，講笑咁講，通常都係保養期夠就開始嚟壞，而 iPhone 畀人印象，一般都係可以用好幾年都依然順暢，而且軟件更新都可以更新好多年。
六七千蚊 Android 手機有乜選擇？
當然，我哋以前曾經都有分享過，有中國網民由 Android 轉會 iPhone，狠批「六宗罪」令佢後悔，但我不得不說，iPhone 還是有好多佢獨有嘅優點。最後，$6899 起買 iPhone，呢個價錢喺 Android 手機入面，又有乜選擇呢？華為 P60 Pro $6988 但無 Google 無 5G，除非花粉否則都未必會揀，呢個略過；三星舊代摺芒機 Galaxy Z Flip4 大舖賣價 $6998 起，但不及之前 SmarTone 嘅快閃優惠抵，就算真係想買，都情願等下一輪優惠。所以呢個價位，比較值得提嘅，會有 ASUS ROG Phone 7、三星 Galaxy S23+、Honor Magic 5 Pro、小米 13 Pro。按呢度或者按下圖，可以進入 ePrice 手機比拼系統，比較一下呢幾部手機嘅詳細規格，你亦可以自行加入其他手機型號，作更多的比較。