透過開啟控制中心，你可以見到有幾多裝置連接咗你嘅手機熱點，只要進入控制中心，並長按「行動數據」的開關，之後喺「個人熱點」嘅圖示下方，會見到有幾多人連接咗你嘅手機熱點。不幸的是，預設情況下，你係無辦法知道，到底係邊個連住你 WiFi。例如你打開咗個人熱點，得你同你另一半用緊你 WiFi，正常情況下只會顯示「2 個」，但如果突然顯示 3 個、4 個或更多，你就需要用第三方應用程式進行檢查。
一個 App 查看所有連上你手機網絡的裝置
你可以去 App Store，下載一個叫 Network Analyzer 的應用程式，呢個應用程式係一個免費嘅網絡應用程式工具，可以用佢嚟查看邊啲裝置連接咗你嘅 iPhone 熱點，佢會列出裝置嘅 MAC 位址、IP 位址同埋名稱。001：開啟 App Store 並搜尋 Network Analyzer。
002：點撃「取得」並等待安裝。
003：打開 Network Analyzer。
004：點選底部選單上的 LAN。
005：選擇右上角的掃描 (如果你打開了 WiFi，請關閉它，否則你的 WiFi 連線也會被顯示)。
006：等待完成掃描。
之後你就可以見到所有連上咗你 iPhone 熱點，當然呢個應用程式唔可以幫你中斷「可疑設備」嘅連接，但都可以幫你確認你嘅懷疑。如果有懷疑，你下一步要做的事，就是更改你的 iPhone WiFi 熱點密碼，改完之後會斷開所有裝置的連接。
來源：SlashGear