Step by Step 教你全面改變 iPhone 應用程式顏色
首先最基本條件，係你部 iPhone 要升級咗去 iOS 18，即係起碼 iPhone Xs 或之後，先可以有得升級。升級咗之後，你就可以跟住以下步驟，改變主畫面應用程式嘅顏色：001: 解鎖 iPhone，顯示主畫面。
002: 長按空白位置，直接見到每個應用程式左上角，都有個「-」符號，而畫面左上方會有「編輯」，而右上方則有「完成」。
003: 點選「編輯」，然後點選「自訂」。
004: 你會見到有「自動」、「深色」、「淺色」、「Tinted」四個選項。「淺色」係你以前用開嗰個風格，無乜特別，而「深色」即係將你啲 App Icon 都變成深色模式，配合 iOS 本身個 Dark Mode，整體感覺都幾型格。至於「Tinted」，則可以直接將所有 App 嘅顏色改變，撳入去可以畀你自行調你喜歡嘅顏色，例如全部變成黃色都得。而我個人就比較喜歡紅色。
005: 另外，你亦可以按「小」或「大」，改變 App Icon 嘅大細。
006: 退出之後，就可以套用更新後嘅風格。
長按空白位置，點選「自訂」。
「Tinted」可以改變所有應用程式顏色。
深色模式，左上方好似太陽嘅符號，則係改變系統嘅 Dark Mode。
淺色模式。