新色 512GB / 1TB 首日預計賺過千？
今年 iPhone 16、iPhone 16 Pro 系列有無得炒？我見好似好多網友都唔係太睇好，可能因為覺得更新並唔多，係有新色多粒 Camera Control 掣，但我覺得根據以往經歷，部機更新多與少，同有無得炒無乜關係，依舊有好多人會搶機，最主要係睇，到底係多貨定少貨，會唔會供不應求。版主之前就同大家分享過，有大舖朋友就話傳聞好多貨，好大機會無得炒，但諗深一層，嗰陣呢位朋友又無講清楚，到底係 iPhone 16 好多貨，定係 iPhone 16 Pro Max 好多貨。而 Apple 發表咗 iPhone 16 以及 iPhone 16 Pro 系列之後，我都有向旺角先達同埋深水埗細舖店主問過佢哋睇法，覺得今年 iPhone 有無得炒，大家睇法都好類近，都係話第一日肯定有得執下，只係睇下炒到幾耐啫，而如果真係要炒，都係炒新色，就以 iPhone 16 Pro Max 為例，即係炒沙漠色鈦金屬，預計第一日點都賺到過千，並且估計買 512GB 定 1TB 都係差不多。
為咗等大家可以快人一步搶到 iPhone 16 Pro Max，版主就幫大家整理好各儲存容量、顏色嘅直購連結，你可以根據心儀嘅型號，準備好聽晚 9 月 20 日 8 點去搶機！
| 256GB | 沙漠色鈦金屬 | 原色鈦金屬 | 白色鈦金屬 | 黑色鈦金屬 |
| 512GB | 沙漠色鈦金屬 | 原色鈦金屬 | 白色鈦金屬 | 黑色鈦金屬 |
| 1TB | 沙漠色鈦金屬 | 原色鈦金屬 | 白色鈦金屬 | 黑色鈦金屬 |