講緊嘅係豐澤，佢地標榜「可能係全城最靚價」開售 Apple iPhone 16e，其實並唔係現兜兜即減，而係如果用中銀信用卡購買，就可以獲高達 $450 獎賞；因為現時豐澤同中銀信用卡合作活動，達一定金額簽帳就有現金回贈，而買 iPhone 16e 個金額就可以獲 $450 獎賞。而優惠期內現金回贈高達 $1,540，需要到其官網登記。
▲豐澤自己出埋攻略教你點賺回贈。
網店預訂即減
如果你冇中銀信用卡都唔緊要，版主發現 The Club 網店都有減價，目前預訂 iPhone 16e， 128GB 版由 $5,099 減至 $4,899，平兩百蚊，不過比較實用嘅 256GB 就已經賣晒。
▲The Club 網店 $4899 就可入手 iPhone 16e。
規格方面，iPhone 16e 採用 6.1 吋的 Super Retina XDR 顯示屏採用劉海設計，支援 Face ID，並以 USB Type-C 作連接。機身加入動作按鈕，可以自定為靜音、開啟相機、打開 AI 等功能。電池方面，蘋果指與 iPhone SE（第三代）相比，iPhone 16e 續航力最多可延長 11 小時。
iPhone 16e 配備 A18 晶片，CPU 與 GPU 效能比 iPhone SE（第三代）比提升 40%。另外，它採用 4800 萬像素單鏡頭，可以拍攝 2x 變焦影像，一鏡頂兩鏡使用。
更多 Apple iPhone 16e 規格可以看這裡
