記得重睇 ePrice 的香港水貨開箱文，有更多試玩資料及 示範 Video
▲ iPhone 4 英國版配件跟美國版相約，當然英國是用三腳插頭，配件的 Adaptor 也是三腳制式，即跟香港一樣。
新舊 iPhone 比一比
好多人都想轉用新 iPhone 4，當然好多人想知 iPhone 4 跟本來的 iPhone 3Gs 外型有無好大分別，講明是新機，太似就好慘，轉了新都唔夠啦。版主 Alex 專登帶了它的 iPhone 3Gs 立即作比較，以圖為證，癈話少說。
▲ iPhone 4 (左) vs iPhone 3Gs (右) ，兩者大細其實差唔多，不過看起上來，iPhone 4 好像比較窄身，無咁肥仔。
▲ iPhone 4 (左) 用上金屬機背，改為扁平設計，不似得 iPhone 3Gs (右) 會突起上來
▲' iPhone 4 (左) 的機底設計，與 iPhone 3Gs (右) 係一致的，有一個咪, 一個 Speaker,中間有 iPhone 專用埠 (共用的)
▲ 打平來睇，iPhone 4 (左) 比 iPhone 3Gs (右) 真的薄些，也是多謝扁平機底設計
高清芒, 有幾靚?
iPhone 4 另一樣令人期待是有一個手機上最靚的芒: Apple 叫作 Retina Display。每吋有 326 pixels 解像度，屏幕達 920 x 640 pixels (一般靚芒手機只有 800 x 480 pixel) , 有專有名稱，有很誇張的數字，實際顯示又點呢？都係有相，有真相。
▲ iPhone 3Gs (左) 屏幕 vs iPhone 4 (右) 以 Safari 上網出來的效果其實差不多，但 iPhone 4 好明顯是圖片比較實正及光亮一點。
▲ iPhone 4 看文字，沒有狗啞情況
▲ 用 iPhone 3GS 屏幕看文字，不是很差，但相比 iPhone 4 (上圖) 真的差一點。
▲ iPhone 3Gs (左) vs iPhone 4 (右) 文字顯示相比，誰比較靚? 一看便知
▲ iPhone 3Gs (左) vs iPhone 4 (右) 圖片顯示相比，誰比較靚? 也是一看便知
▲ 用 YouTube 播同一條 G.E.M Music Video 好明顯 用 iPhone 4 (上) 顯示，G.E.M 的臉紅潤好多，而且膚色的漸變位好有層次。
五百萬像素相機 閃燈了得
之前都介紹了 iPhone 4 的五百萬像素相機，今次有真機立即試拍，大家看看效果。
▲ iPhone 4 跟 3Gs 都是採用手指對焦，預設是中央對焦，你可以用手指點屏幕，改變對焦位置
▲ iPhone 4 除了加入補光燈，也有數碼變焦功能。而影相速度都開快，只是要開補光燈的一下比較慢。另在 數碼變焦桿在 OS4 的機種已支援，換句話說 3Gs 都有。
▲ 試拍, 按圖可放大: 未開閃光燈
▲ 試拍, 按圖可放大: 已開閃光燈
▲ 試拍, 以高光位作測光，按圖可放大。
▲ 試拍, 以低光位置作測光，按圖可放大
▲ 試拍, 按圖可放大: 已開閃光燈
▲ 試拍, 按圖可放大: 未開閃光燈
話音質素 So Good
以 PCCW 3G SIM 卡試打電話，話音尚算清晰，感覺和之前的 3Gs 相差不大，由於現場不算太嘈吵，收音也算 OK。網上傳聞，用手拿起 iPhone 4 手勢不好，按著左下角天線位的話會無訊號，但版主 Alex 稍稍試按了一下，未有發現有這情形，可能是按的手勢不對吧？
▲ iPhone 4 話音質素尚可。
版主 Alex 短評
iPhone 4 的外觀比 3Gs 稍稍修長了，而且明顯比 3Gs 薄得多，但由於機身設計太俐落的關係，反而沒有了過往 iPhone 那圓潤機背的好手感，邊位總讓人覺得有點扎手。稍稍試玩，最讓人印象深刻的是那個精緻的螢幕，文字顯示更清晰不用說，最大分別是睇相睇片，膚色和層次漸變等都能清晰呈現。至於換上新處理器的 iPhone 4，速度理應更高，但因為空機未有裝其他 app 的情況下，未能體驗它的速度感，由於 3Gs 安裝 OS4 後也不算窒，所以兩者的差距還不算太大。
版主用過幾代 iPhone，相信今代還是會買的，只是目前既有螢幕變黃和又有天線等問題，我希望傳聞不是真的，或等到行貨推出，情況會有改善，但基本上，我也是買硬了。
查詢：數碼動力（2142 7223）
記得重睇 ePrice 的香港水貨開箱文，有更多試玩資料及 示範 Video
