大陸山寨商夠創意，但無商機，像最近令蘋果迷眼突突，插係 iPod Touch 背變 iPhone 的蘋果皮520，在中國大陸好 Hit ，但要蘋果當佢係合法配件，真係有難度。反正都係抄上抄，中興 ZTE 把這個 Concept 賣到美國，還有電訊商 Sprint 跟他們合作，中興的 Apple Peel 蘋果皮 也將於下周（11 月 14 日）在美國市場推出，同樣可以讓蘋果 iPod Touch 實現通訊功能，不過變了合法，美國 FCC 批準，O 咀嗎，大家？
▲這就是中興 ZTE 推出的蘋果皮，PEEL 這個字有 TM 即係他們搶先登記了做 trademark，第二個品牌唔用得。發明呢家野，有錢大晒。下面還有 Sprint 的 Logo。Sprint 在美國無得賣 iPhone，兼行 CDMA 網絡，所以中興呢塊蘋果皮，針對當然是 iPod Touch 用家，也只支持 CDMA2000 3G 網絡
▲背面看上去有點「駝背」，質感也還不錯，ZTE 跟香港 CSL 合作無間，不知何時會推出 GSM / 3G 版引入香港呢?
中興這款即將推出的蘋果皮，型號為 ZTE Peel。ZTE Peel 將會由中興聯合美國網絡商 Sprint 共同推出，除了支持 CDMA2000 3G 網絡外，還可借助 WiFi 上網。相比蘋果皮520，ZTE Peel 明顯技高一籌。目前 ZTE Peel 已經通過了 FCC 美國聯邦通訊局認證 (即等同香港的 OFTA) ，因此在法律上是沒有任何問題。
