iPhone 4S 唔掂！？iOS 5 其實都好強 要留意呀

史提芬夫 2011-10-05 18:45 | Apple

iPhone 4S 已經公佈，全城都話失望 史提芬夫覺得大家失望的原因，很多時都是因為對蘋果有不合理的期待，見人地有大芒，就想大芒。地球開始有 4G LTE 就算 iPhone 可以極速上網。其實蘋果一向玩估你唔到的創意，還有好貼心的軟件，係內在美呀 與其大罵機身和上一代一樣，我史提芬夫，今次就跟大家重點介紹一下，下一代 iOS (即 iOS5) 軟件實力，其實唔單止 iPhone 4S 有，大部份功能，iPhone 3GS 去到 iPad 都有，你點都要知啦。






Siri 聲控  iPhone 4S 獨家玩
於 10 月 12 日開始，目前的 iPhone 、iPod Touch 和 iPad 都可以升級至 iOS 5。而剛剛推出既 iPhone 4S 本身就是用 iOS 5，當中還有一項功能是其他機沒有，暫時 iPhone 4S 才能獨家玩到，就是 Siri Assistant 語音控制功能。只要長按 Home 按鈕，就會出現一個有古典味的收音咪介面。我史提芬夫當然知道 Android 一早有類似功能，但 Android 的聲控，其實集中搜尋 Search 為主。iPhone 4S 的 Siri 做得比較全面，開聲問天氣、開聲查報價、用聲音發文字 SMS 都得，Siri 更會打通不同的 App，唔係一定要開個 Search 制才用到，我又唔相信 Google 會係雪糕三文治版本咁快加多雷同功能，單係 Siri 都夠潮啦。只可惜 Siri 暫時認唔到中文，只有外國人才優先試到  (怪不得傳 iPhone 4S 要十二月才在香港賣了 )


▲  Siri 的介面


▲  呢到有 CNet 網站的視像示範

開機教你玩 iOS 5 真正易上手
iPhone 雖然易用，但很多初學者，尤其只用開 Feature Phone，只會打出打入電話的用家，iPhone 也有一定難度。再玩得專業一點，如何與電腦同步，用 iTunes 過歌，都唔係易事。史提芬夫自己係 Developer，一早 Download 過新版 iOS5 版本，當中加了開試玩過，開始就有設定精靈，一開始 Step by Step  教你點樣用  iPhone，連點樣駁電腦都有，資訊更加詳盡，相信令初用智能手機的用家更易上手。


▲ 新 iOS5 版本，用家開機就會先進入教學模式，由建立 Apple ID 開始，一步步教你用 iPhone。


iCloud 自動備份互聯網
把東西放上網，隨時存取會比較方便。你天天用的 Hotmail、Yahoo! Mail 仲有 Gmail 就係經典例子。用開 iPhone / Android 也可能有用 Dropbox。Apple 亦會在 IOS 5 加入自家雲端服務 iCloud，而且人人免費有 5GB。這舊 5GB 雲，有乜用?  最簡單的功能，就係方便同步、備份和還原你部 iPhone。依指示選擇開啟，iCloud 便會自動把郵件、行事曆、書籤等自動備份至你的 iCloud 戶口。用開智能手機的人，成日會問，點樣備份去 Outlook，有了 iCloud，個 Outlook 咪 Sync 左上天囉。


▲ 唔係人人都喜歡把資料 Sync 上天，你可以選擇唔用，但反正 5GB 是送的，又可以打通你的 iPad、MacBook 同 iPhone，唔駛下下問有無用 Outlook，點解唔用先


▲ iCloud 可以備份什麼: 呢張相話晒你知

其實 iCloud 除了協助用家更快還原備份，還可以在網上隨時加入和編輯行事曆、聯絡人、電郵項目，並會即時同步。網上版 iCloud 近日已經開放給程式設計員測試了，使用效果頗不錯。還有繁體中文版，功能好完整。



▲ 瀏覽器上, 上 iCloud。




▲ 網上日曆

通知功能終於好完善
各個程式不時都會發出通知，iOS 只會顯示彈出對話框，太過短暫。iOS 5 終於肯把其改善，除了可以在設定中選擇顯示方式，在頂部向下掃就可以看到。我知道 Android 一早已有，但 iOS 加上去，就更加好用啦。






▲ 新增通知設定

iMessages =  iOS Whatsapp
很多人都會使用 WhatsApp，有幾好用，不用史提芬夫多講，但 Whatsapp on IOS 程式本身收費，iPad 又無得玩。iOS 5 開始終於有內置的 iMessage 功能。原理和 WhatsApp Messenger 一樣，經 3G 數據或 Wi-Fi 傳送，就可無限發放。而且 iPad 也有，比 WhatsApp 更全面。因為 iMessenger 係 i Device ONLY，家陣好多人都問，部手機玩唔玩到 WhatsApp ，以後可能因為 iMessage，D 人唔肯轉機呢? 呢招又好玩又絕呀


▲ 在 iOS 5 下 iPad 都有得玩 iMessenger


▲  iMessenger 唔難玩，就好似 Send SMS 咁樣


生活更方便的 To-Do 程式
iOS 5 終於加入 To do 程式，用家不用再到 App Store 自行尋找和安裝。現在要記錄每天要工作的項目，直接輸入就已經可以。它還有提醒功能，頗為方便。





相片編輯直接做 
今次 iPhone 4S 發佈的期間，蘋果用了大量時間講解相機功能。雖然 iOS 5 本身影相功能選項不多，但已經新增相片編輯功能。無論相片拍得有什麼問題，一按即可修正，相當方便。不過，值得一提的是，iPad 第一代是沒有編輯功能的。





▲iPad2 修改相片,  功能已在升級 iOS5 加了入去


▲ iPhone 也有相片編輯功能

Safari + Tweet 不停分享
iOS 5 的 Safari 瀏覽器再度優化:  用 Tab 分頁方式顯示，適合一心多用的香港用家。而工具列上還有閱讀列表功能，MARK 低重要網頁日後才慢慢閱讀。另外，亦整合了真正的微博始祖 Twitter，要和朋友分享也是只要按工具列便可以。




▲ 加入了 Twitter 分享


▲ Twitter 已整合在設定內


▲ 係 Safari 簡單出 Tweet

上述只是 iOS 5 部份主要內容，在 2011 年 10 月 12 日所有用家便可玩到。史提芬夫都成日問身邊 D 朋友，點解 Android 做得這麼好為何不轉會，很多人答案都是因為喜歡 iOS 。



史提芬夫平而論，IOS5 升級，一次過把更好功能推至 iPad 及舊版 iPhone，用開的用家會更加 Happy。iPhone 4S 的內在升級也好顯著:  4S 採用 A5 處理器，處理資料快兩倍，圖像處理快七位，又有 800 萬像素鏡頭，再加上 3G 下載速度升級至 14.4Mbps，總有大把理由繼續做蘋果迷。史提芬夫不滿的是出得太遲，再加上香港何時才有行貨發售更加未有公佈，究竟蘋果發生什麼事呢? 

文章編號 : 201110a01