八核新機支援 Cat.6速度 4G！華為榮耀 Honor 6 抵港賣 $2,580

Eddie 2014-10-28 14:24 | Huawei

有唔少網友買機，應該都係好睇重「性價比」方面，之前版主同大家玩過華為 Honor 6 的大陸水貨機， $3,000 有找用足 FHD 屏幕、八核心處理器、 1300 萬像素鏡頭同埋支援 4G LTE ，大家覺得抵唔抵玩呢？今日呢部機就正式有行貨抵港，定價 $2,580 。值得一提佢係支援 Cat.6 既上網速度架，會唔會有網友因此而買佢呢？



八核心＋ Cat.6 制式 4G LTE ！華為 Honor 6 抵港賣 $2,580 抵唔抵？
講到華為 Honor 6 ，其實都係大陸幾熱賣既一部手機，佢採用 5 吋的 1920 x 1080 解像度 LTPS 屏幕，自家 Hisilicon Kirin 920 八核心處理器，由一個1.7GHz 四核心(A15 架構）和一個 1.3GHz 四核（A7架構）組成，內置 3GB RAM 、 16GB ROM (最高支援 32GB 外置插卡），1300 萬像素主鏡頭和 500 萬像素前鏡頭、還有 3100mAh 電池，整體規格不會比旗艦機差！

至於上網方面，華為 Honor 6 支援到本地的 FDD-LTE 頻段，除了有1800 + 2600 MHz 的香港頻段之外亦有 800/2100MHz 這兩段，不過大陸的 TD-LTE 只有 Band 38 （中國移動）這一段。值得一提的是這部手機支援 Cat.6 制式 4G LTE ，最高可以達到 300Mbps 的下載速度和 50Mbps 的上載速度，不過暫時未知道 csl 等香港電訊商開通了這個服務沒有。官方指出只要電訊開始服務就可以用到這個高速度上網啦。

這部手機今天開始在香港開賣，電訊商方面 3HK 和 csl. 都會賣，官方定價 $2,580 是在中階的價位，但買到這樣的規格，大家認為性價比強嗎？留言講講吧！



在文章發佈的時侯，華為 Honor 6 定價 $2,580 ，按此看詳細規格和最新賣價。