平價玩 Cat.6 上網、中港4G＋雙鏡頭！華為 Honor 6 Plus 月底香港有！

Eddie 2015-04-21 13:56 | Huawei

大家仲記唔記得上年版主 Eddie 番大陸去直擊華為 Honor 6 Plus 既面世，呢部有雙鏡頭既手機版主就試過影相，仍然都搞唔清楚副鏡頭用途係，不過普通版大陸賣 $2,500 港幣有找、高配版都係大約 $3,000 ，睇性價比真係贏晒！要同大家分享一個好消息，雖然遲左少少，不過華為 Honor 6 Plus 將會係 4 月到港，想平玩 Cat6. 同埋五模十六頻就要留意佢啦！

華為 Honor 6 Plus 準備現身！ 4 月 29 號早上出擊！

唔知大家有冇留意 ePrice 主頁的廣告，近兩日就見到有華為的新消息，上面寫住就係 Honor 6 Plus 將會係 4 月 29 日正式出擊，呢部機採用 FHD 屏幕與 Hisilcon 麒麟 925 雙四核心處理器，主打除了雙 800 萬像素鏡頭外，亦有 3600mAh 大電量。從華為的 Vmall 網站我地可以睇到，華為 Honor 6 Plus 規格係五模手機，而呢個規格同大陸的「高配版」同樣，亦寫明有 32GB ROM 配 3GB RAM（仲可以外置插卡） ，當然佢都係支援到 Cat.6 制式的 4G LTE 啦！想早人一步買到呢部機，就要 Click 入呢條 Link 入去睇住華為既最新消息啦，網友們又會唔會期待玩到呢部雙鏡頭手機呢？



在文章發佈的時侯，華為 Honor 6 Plus 仍未公佈開賣日期與官方定價，按此看詳細規格和最新賣價。