▲ 目前係香港推出的加強版 P8 只有金色，而係英國首發時出現過的黑色就未有消息。
▲ P8 加強版的金色同 P8 Max 其實係一樣的，個人認為比起銀色靚但不及灰色版有型。
▲ 同 P8 一樣 3.5mm 插口係機頂而 USB 插口就係機底。
▲音量鍵、開機鍵同 Sim 卡槽都係機身右邊。
▲ 到左跑分部份了！ 同 P8 的 Kirin 930 相比，其實 P8 加強版的 Kirin 935 主要分別係係主頻方面提升至 2.2GHz ，而係安兔兔上面 P8 加強版同之前的港版 P8 跑分相比其實差不多，而且加強版 P8 仲低左一千分。
▲ 來到 Vellamo 部份，可以見到係 Chrome 瀏覽器上得分係 2303 ，不算特別出色。
▲ 係多核心方面 P8 加強版得分係 1748 而單核方面就係 1192 。
▲ 除左係處理器方面不同之外， P8 加強版另一賣點係有 64GB 內置容量，可以見到手機仲有 52GB 可用。
小結：跟標準版 P8 相比，加強版重點在內置容量上的提升
見到跑分結果可能大家都好唔明白，點解 P8 加強版係跑分上面表現仲會差過 P8 呢？其實係發佈會上的 P8 加強版係屬於測試版本，因此同見街的正式版會有一定的分別。不過， P8 加強版一早係大陸推出左，而跟據大陸媒體的測試，其實正式版本的 P8 加強版在安兔兔上的得分大約都係四萬三分左右，未算好突出。所以相比起跑分成績，其實 P8 加強版更明顯的提升版主認為反而係內置容量方面，因為係 P8 本身只有 16GB 內置容量，同時用左 Sim 卡同 SD 卡槽共用的設計，變相令有使用雙 Sim 卡需要的用家只有約 10GB 左右，未必足夠使用。而 P8 加強版提升至 64GB 就更適合會用雙 Sim 卡的朋友啦。不過，要價近四千五的 P8 加強版性價比又算唔算高呢？呢樣真係好難講了⋯⋯
華為 P8 加強版將會於 7 月 24 日開賣，價錢為 $4480 ，按此查看詳細規格及最新賣價。
