旗艦機皇對決，華為 Mate 8 芒最大處理器最強
係今次提到的 4 部手機之中，全一部都有自家特色，其實好難決斷咁講邊部係最好或者邊部係最差。以大眾接受程度來計，華為雖然不及對手，但今次 Mate 8 相知都有不少吸引到大家的賣點。首先係屏幕方面，四部旗艦之中就以華為的 Mate 8 屏幕最大，而且華為標榜其色域達到 95% 。不過，就屏幕來計 Mate 8 的弱點就係解像度只有 FHD 解像度，比起 Note 5 以及 V10 的 2K 芒會差少少，更加同 Sony Z5 Premium 的 4K 解像度有一段距離了。不過， Mate 8 並唔算「空有大芒」的，因為今次 Mate 8 一大重點就係在處理器用上華為自家最新的 Kirin 950 處理器，係發佈會上華為提到相比起現時主流的 Qualcomm S810 （為 Z5 Premium 所用）、 Exynos 7420 （為 Samsung Note 5 所用）都要強，相對上只屬中高階級數的 S808 （為 LG V10 所用）就可能會更弱了。不過，好多網友都指出呢啲數字上嘅野其實都無乜作用，打機順唔順先係最緊要，呢方面就要有實機先知啦！係 RAM 同內置容量方面， Mate 8 （高階版）、 Note 5 以及 V10 都有 4GB RAM ，只有 Z5 Premium 用緊 3GB RAM 。而 Mate 8 最高有 128GB 內置容量（但未知會否係香港出）， Note 5 以及 V10 都有 64GB 內置容量版本，而 Sony 就有 32GB 。四部機之中只有 Note 5 不支援插卡。
▲係屏幕上 Mate 8 雖然未有 2K 解像度，但就有超窄邊框。
相機規格各有千秋，電量 Mate 8 最大
相機方面可以話係各有千秋， Note 5 有 1600 萬像素 f1.9 光圈 OIS 主鏡頭， V10 都用左 1600 萬像素 F1.8 同支援 OIS 2.0 光學防手震的相機。相對上 Z5 Premium 雖然光圈不及前兩者大，但就有最高的 2300 萬像素以及 0.03 秒秒混合對焦。 Mate 8 在規格而言都唔弱，係加入三軸光學防手震模組的同時還有三組對焦模式（相位、對比以及智能場景），而且其 1600 萬像素相機是用左新的 Sony IMX298 模組，不過光圈為 f2.0 不及 V10 及 Note 5 。以上邊部手機影相最強？都係要試左先知。最後係電量方面，芒愈大自然愈有優勢， Mate 8 內置 4000mAh 大電，官方提到可以重度使用 1.65 日，同時亦係四部機當中電量最多的一部。僅次於 Mate 8 的就是有 3430mAh 電量的 Sony Z5 Premium ，Note 5 以及 V10 都係得 3000mAh 電量。不過，係四部機之中，只有 V10 是可以換電的，呢點都值得一提。
係 Mate 8 的價錢都發佈之後，唔知大家又覺得四部旗艦中邊部最岩心水呢？ 以下係規格比拼表，大家睇完之後都投票以及留意講講啦！
| 手機 | Samsung Galxay Note 5 | LG V10 | Z5 Premium | Mate 8 |
| 尺吋 | 153.2 x 76.1 x 7.6mm | 159.6 x 79.3 x 8.6 mm | 154.4 x 76.0 x 7.8mm | 157.1mm×80.6mm×7.9mm |
| 重量 | 171g | 192g | 180g | 185g |
| 屏幕 | 5.7 吋 2560 x1440 | 5.7 吋 2560 x1440 | 5.5 吋 3840 x 2160 | 6 吋 1920×1080 |
| 屏幕材質 | S-AMOLED | IPS Quantum | IPS | IPS |
| 處理器 | Samsung Exynos 7420 八核心 |
Qualcomm S808 六核心 |
Qualcomm S810 1.8GHz 八核心 | Kirin 950 2.3GHz 八核心 |
| RAM | 4GB | 4GB | 3GB | 3GB/ 4GB |
| 容量 | 32/64GBGB | 64GB | 32GB | 32GB/64GB/128GB |
| 外置插卡 | 不可 | 可( 2 TB) | 可( 200GB) | 可( 128 GB) |
| 光圈 | F1.9 | F1.8 | F2.0 | F2.0 |
| 相機 | 1600 萬像素主鏡頭／500 萬像素前鏡頭 | 1600 萬像素主鏡頭／500 萬像素前鏡頭 | 2300 萬像素主鏡頭／500 萬像素前鏡頭 | 1600 萬像素主鏡頭／800 萬像素前鏡頭 |
| 光學防震 | 有 | 有 | 沒有 | 有 |
| 錄影 | 4K 錄影 | 4K 錄影 | 4K 錄影 | 4K 錄影 |
| 電池 | 3000mAh（內置式） | 3000mAh（可換式） | 3430mAh（內置式） | 4000mAh （內置式） |
| 定價 | 32GB ＄5,688 64GB ＄6,388 |
64GB $5,698 | 32GB $6,398 | 32GB $3,889 64GB $4,486 128GB $5,335 |
在文章發佈時，華為 Mate 8 未有在港開賣消息，按此看手機詳細規格及最新賣價。
