即日開賣！華為 P9 標準版、加強版，有咩唔同？
作為華為上半年度主力旗艦，華為 P9 係效能方面，雖然難以同 S820 旗艦相比，但係其獨有的 Leica 雙鏡頭，係話題性方面就贏晒一眾大廠旗艦啦！價錢上，版主就同大家透露過， P9 定價同係年頭推出的 Mate 8 其實十分相似，分別係 3GB RAM 標準版價錢 $3880 而 4GB RAM 加強版價錢 $4480 。發售日期方面就係即日開賣！既然係開賣細節上無乜特別，咁不如講下手機規格上有無咩亮點仲好啦！要留意係，係手機頻段上，標準版以及加強版所支援的 FDD LTE 頻段會有不同，因為只有 P9 加強版先會有 Mate 8 咁齊的頻段（B1 (2100)、B2 (1900)、B3 (1800)、B4 (AWS 美國)、B5 (850)、B6、B7 (2600)、B8 (900)、B12 (700a 北美)、B17 (700b 北美)、B18 (800 日本)、B19 (800 日本)、B20 (歐洲)、B26）。但標準版其實都好足夠，香港常用的 B3 (1800) 同 B7 (2600) 都有。比較可惜地方係，係數據傳輸速度上， P9 兩個版本都只係去到 LTE Cat 4 ，算係美中不足吧。
最後係顏色方面，其實 P9 都唔算係齊全，標準版有月光銀同太空灰兩色，而加強版就只等金色。
▲ 其實針對 P9 相機的表現，已經有不少評測，但係華為之前都提過，佢地的相機軟體還未調到最出色的，所以今次 ePrice 都會針對 P9 的相機再來多次比拼啦。
P9 Plus 香港定價官方確認，分別不止 5.5 吋芒？
今日除左有 P9 到港之外，頗令人意外地，連 P9 Plus 都有資料。華為香港官方除左確認 P9 Plus 將會係 5 月下旬到港之外，亦宣佈定價會係 $4880 ，只有金色。從官方公佈資料看來， P9 Plus 唔止係個芒大左，或者係加入左 壓力感應屏幕咁簡單。港版的 P9 Plus 同 P9 最大不同在於，支援 FDD LTE 頻段更多，而且可以數據傳輸速度上到 LTE Cat 6 ，還有不少朋友好看重的 NFC 功能，都係在 P9 Plus 先會有。不知對於想現 Leica 雙鏡的朋友來講，你又會想即時入手 P9 還是等 P9 Plus 推出呢？留言講講吧！
▲之前壓力感應屏幕版本的 Mate S 最終沒有到港，大家在 P9 Plus 就可以玩到了。
更多有關華為 P9 的消息：
搶先小米 5！Leica 鏡頭華為 P9 登場日期確認 價錢唔太貴？Leica 雙鏡頭加持！華為 P9 到港小米 5 即跌價，你點揀？
評測 : HTC 10、三星 S7 Edge、LG G5、華為 P9 攝力大對決
獨家評測 ：與 Leica 深度合作 華為 HUAWEI P9 攝影實力好誇張!
5.5 吋 P9 Plus 幾時出？ 4GB RAM 同步賣，華為 P9 香港定價搶先爆
華為 P9 (3GB RAM) 於文章刊登時，香港定價 $3880 ，於 4 月 29 日開賣，按這裡有更詳細規格及最新賣價。
華為 P9 (4GB RAM) 於文章刊登時，香港定價 $4480，於 4 月 29 日開賣，按這裡有更詳細規格及最新賣價。
華為 P9 Plus 於文章刊登時，香港定價 $4880 ，將於 5 月下旬開賣，按這裡有更詳細規格及最新賣價。
