華為 Mate 20 Pro 開箱
▲ 呢個就係 Mate 20 Pro 的包裝盒，上面寫着 HUAWEI Mate20 Pro，而下方會見到有「TRIPLE CAMERA」，代表着 Mate 20 Pro 具有三鏡頭設計。
▲ 側面會有我手上的 Mate 20 Pro 資料，內置 6GB RAM 以及 128GB ROM，同埋機身係黑色的。
▲ 開箱！首先第一時間見到的，是 Mate 20 Pro 實機。
▲ 而打開睇下入面的配件，係包括咗有充電火牛、耳機、USB Type-C 線、Type-C to 3.5mm 耳機孔、手機保護套、卡針等等。
▲ 跟機火牛支持 10V / 4A 輸出，注意，一定要用華為原廠火牛，先可以用到佢 40W 快速充電，所以千祈唔好唔見呀！
▲ 係時候睇實機，Mate 20 Pro 採用了 6.39 吋 2K+ 顯示屏，屏幕比例為 19.5:9。
▲ 屏幕上方會見到有 M 字額。
▲ 下方無嘢好睇，不過整體嚟講屏佔比係幾高下。另外，可以留意到 Mate 20 Pro 係用上曲芒設計，感覺有點兒像三星。
▲ 翻轉機背是玻璃材質。
▲ 上方會有方形的「四筒」三鏡頭以及閃光燈。
▲ 下方會寫住「HUAWEI」。
▲ 機身右側是音量鍵以及開關鍵，而左側就乜嘢都無。
▲ 頂部會見到有紅外線 Sensor。
▲ 而底部則為 Type-C 插槽以及 SIM 卡槽。
▲ SIM 槽正反兩面都可以插卡，正面是 SIM 1，而反面則是 SIM 2 / NM card。
▲ 係呀，拎上手手感堅係好似三星，或者近期的 Sony Xperia XZ3。
跑分軟件試效能
Mate 20 Pro 配備了 Kirin 980 處理器，內置 6GB RAM 以及 128GB ROM，並支持 NM card 擴充。之前有傳聞就講到呢粒 U 好勁，可以去到超過 31 萬分，甚至講到好似勁過 S845 處理器，然而版主用了一系列跑分軟件測試過後，發現並不如傳聞般那麼高分，叫做跟 S845 處理器不相伯仲。根據安兔兔跑分結果顯示，Mate 20 Pro 的成績為 273126 分，呢個成績正正就是 S845 的分數，甚至比部份手機如 Sony Xperia XZ3 低分。
▲ 安兔兔結果為 273126 分，當中以 CPU 效能最高分，有 102226 分，而第二高分的是 GPU 效能，成績為 97517 分，不過以 Kirin 處理器來說有如斯表現，都算是一個很大的躍進。
▲ AndroBench 是用來測試手機的讀寫速度，連續讀取速度為 844.02 MB/s，相比 ASUS ROG Phone 還要快，然而連續寫入速度則略慢一點，有 192.07 MB/s。不過講過好多次，真正影響用家使用體驗的，是 Random Read / Write，Mate 20 Pro Random Read 速度為 132.99 MB/s，相比 ROG Phone 略慢一點，然而 Random Write 速度則有 112.25 MB/s，相比 ROG Phone 快好幾倍。
華為 Mate 20 文章連結
一表睇晒 ：華為 Mate 20 Pro / Mate 20 / Mate 20X ／ Mate 20 RS 有乜分別
Mate 20 Pro 開箱 ＋跑分
AI 夜攝對決！華為 Mate 20 Pro 比拼 P20 Pro、三星 Note9
7.2 吋巨芒 + 五千大電！華為 Mate 20 x 真，旗艦
三鏡玩埋 Wide Angle！攝影王 華為 Mate 20 / 20 Pro 香港上市及賣價搶先知
最型 、最強、必搶！華為 Mate 20 RS PROSHE DESIGN 搶先睇
華為 Watch 3 + Band 3 Pro 介紹
Huawei Mate 20 於文章刊登時，未有售價資料，按這裡有更詳細規格及最新賣價
Huawei Mate 20 Pro 於文章刊登時，未有售價資料，按這裡有更詳細規格及最新賣價
Huawei Mate 20X 於文章刊登時，未有售價資料，按這裡有更詳細規格及最新賣價
Huawei Mate 20RS 於文章刊登時，未有售價資料，按這裡有更詳細規格及最新賣價
