華為 P30 Pro 八大升級賣點
華為會為 P30 / P30 Pro 一齊推廣，但佢地跟三星 S10 系列最大分別，主鏡頭技術，係根本唔同，P30 Pro 會好少少，而下面版主講嘅升級，都係以 P30 Pro 為主。001: 華為 P30 Pro 嘅主鏡頭是 4000 萬像素 SuperSpectrum 鏡頭，出面一直都講，其實是 Sony 專為華為手機而設嘅 IMX650 感光元件組成，可說是 P20 / P20 嘅 IMX600 升級版。IMX650 感光元件支援四合一像素 Quad Bayer 效果，預設是拍攝一千萬像素相片為最佳效果。今次華為為主鏡頭加回 OIS 光學防手震。至於 P30 都是採用同樣級數嘅感光元件分別是：
P30 Pro: F1.6 光圈，27mm 廣角
P30 : F1.8 光圈，27mm 廣角
002: 為 P30 Pro 與 P30 同樣配備 125mm 長焦距 Tele Lens，都是八百萬像素 F3.4 光圈，支援 OIS 光學防手震。當中以 P30 Pro 較為先進，採用潛望鏡頭，令在薄薄嘅機身都做到 5 倍的遠攝效果。留意，此為 Tele Lens 嘅本身嘅遠攝效果，而非真正光學變焦。P30 Pro 嘅五倍遠攝 Tele Lens 再配合主鏡頭，可做到 10 倍混合變焦，最高去到 50 倍變焦。華為官方表示用來影月亮，連月亮表面的紋都影得到！係咪咁勁，我哋之後會測試。而 P30 嘅長焦距 Tele Lens 只有 3 倍遠攝效果。
003: P30 與 P30 Pro 都支援比起上年 P20 更高嘅 ISO 感光度，P30 可以開到 ISO 204800 去拍攝，而 P30 Pro 則去到 ISO 409600，高感光度再配合大光圈，版主試過在肉眼都幾乎看不到的環境下，用 P30 Pro 毋需使用夜景模式，都能夠拍下光亮的照片。
004: 講開夜攝，P30 Pro 與 P30 嘅 IMX650 感光元件，支援全新顏色列陣，由傳統嘅 RGB，變為 RYYB 四色濾色陣列技術，RGB 代表 Red, Green, Blue。而 RYYB，代表 Red Yellow Yellow Blue。華為認為，代表淺色部份黃色部份比起紅、藍都多，相比以往的 RGB 陣列相比，能夠提升 40% 的吸光度，亦因為顏色排列更細綴，配合上面講嘅超高 ISO 暗黑環境夜攝，相片嘅顏色表現，比起以前，有更明顯改善。
▲ 左上 (華為 P30 Pro 鏡頭）、右下 (華為 P30 鏡頭）
005: P30 Pro 與 P30 都採用全新的 HDR+ 技術，透過 Machine Learning，能夠在背光情況下都能拍到清晰相片，而且會分析哪些部份需要光點，哪些部份需要暗點。
006: P30 Pro 獨有有 TOF 飛時測距鏡頭 (P30 並沒有配置)，能夠更準確的計算深度，並且在進行一些 AR 量度工具 (例如度高、長度、容量、面積等) 時，準確度可以高達 95%。而影相部份，在 TOF 幫助下，可以有更加好嘅照深照片效果。
007: 影相之外，攝錄都有升級，P30 Pro 與 P30 能夠做到同時用兩個鏡頭錄影，即一段影片中，你會見到畫面分開一半，可能一半係用 Zoom 鏡拍，另一半係用廣角鏡拍。不過此功能大概要在香港推出一個月後，透過軟件更新加入落 P30 Pro / P30 上。
008: 自拍鏡頭由之前的 24MP 升級至 32MP，並且會支持 Super HDR Shot 以及 Super Low Light Shot 功能。而 Super Wide Angle Lens 超廣角部份，P30 Pro 是 2000 萬像素16mm 焦距即 120 度 F2.2 光圈，而 P30 則是千六萬像素，同樣是 F2.2 光圈及 16mm 焦距。
以上數咗 P30 Pro 八大升級，而最令版主印象深刻係....
第 3 點：暗黑地方拍攝，就算唔用佢之前 sell 的夜景模式，用 auto mode 就咁影，都可以在肉眼睇唔到、伸手不見五指的環境，拍出清晰可見的影像。另外，雖然 P30 Pro sell 有 10x 混合變焦，但我覺得其實佢 50x 數碼變焦都夠屈機，簡直係一個......「偷拍神器」！關於呢兩個賣點，版主會另開文實測！
華為 P30 / P30 Pro 搶先評測及開賣資訊
相機佢玩哂！華為 P30 Pro 四鏡頭好屈機，香港上市資訊搶先睇漸變色 + 有新色！華為 P30 / P30 Pro 實機上手，網友投票邊隻色最靚
黑科技出招！HUAWEI P30 Pro 超暗黑夜攝 + 50 倍變焦拍攝 效果嚇死人
相機實測 (1)：50 倍變焦化身偷拍神器，華為 P30 Pro 幾層樓高都影到
相機實測 (2)：超自然現象!? 華為 P30 Pro 拍到你見唔到嘅嘢
