華為 Pura 70 Ultra 用家立即升級！天通衛星通訊服務正式啟動！

左定坤 (Cho Ting Kwan) 2024-07-15 20:24 | Huawei

3HK、csl、SmarTone 都會推出衛星通訊服務，而香港首部支持衛星通訊服務嘅手機，係華為 Pura 70 Ultra。唔理網絡商 Ready 好未，但手機已經隨時就緒，只要你係華為 Pura 70 Ultra 用家，記得就要立即升級你嘅手機！因為天通衛星通訊服務，正式啟動喇！



華為終端香港宣佈，Pura 70 Ultra 會陸續推送新版系統更新，大家可以進入手機設定入面嘅系統更新，睇下有無 14.2.0.173 (C636E2R2P1) 呢個更新系統版本，如果有，就記得立即按下更新，只要完成更新程序之後，就可以開通支援天通衛星通訊服務功能。只要配合相關流動通訊服務，就可以使用天通衛星通訊進行語音通話以及收發短訊，就算喺無流動網絡覆蓋嘅環境下，都可以保持同外界聯繫。

更新完成，並開通衛星流動通訊服務後，只要進入手機設定版本，點選「天通衛星通訊」選項，並點擊「啟用」以及跟隨步驟指示操作，即可開始連接衛星以及啟動衛星通訊功能。