華為非凡大師 Mate XT 開箱
關於華為 Mate XT 嘅詳細介紹，呢篇文章我唔再多講，想知就自己睇返上一篇嘅發表文章。其實呢部手機最主要嘅賣點，就係全球首部三摺手機，打開有 10.2 吋，而且仲支持專用鍵盤配件，變相可以手機、平板、筆電三用，而且機身相當薄，當你打開咗之後，機身厚度只有 3.6mm，亦都號稱係全球最薄嘅摺疊屏幕手機，就連 Honor Magic V3 都唔夠佢咁薄。除咗三摺、支持鍵盤同埋薄之外，其實佢都同一般嘅智能手機無異。而以下我就會畀大家睇下，呢部三摺手機嘅實機外觀如何：
▲ 華為 Mate XT Ultimate Design 包裝盒。
▲ 包裝盒入面除咗有兩個盒，中間仲會見到有兩個對無線耳機同埋車充。
▲ 車充係咁嘅樣。
▲ 另外耳機係 FreeBuds 5。
▲ 包裝盒入面會有一條車充用嘅充電線以及一條普通線，另外仲有一隻火牛。
▲ 充電火牛支持最高 66W 輸出。
▲ 機背係素皮材質。
▲ 具有三鏡頭。
▲ 機背下方寫住 HUAWEI 以及 ULTIMATE DESIGN。
▲ 摺埋咗有少少厚度，但其實我覺得同我手上 Honor Magic V3 笠咗個保護殻之後差不多。另外，可以見到佢真係完全無間隙。
▲ 手機摺埋咗，上方會有個穿窿設計前置鏡頭。
▲ 特殊設計嘅鉸鏈設計。
▲ 打開咗機背係咁。
▲ 機底會有 Type C 充電器。
▲ 可以 W 型咁摺疊。
▲ 如果屏幕單面使用係 6.4 吋，雙面使用係 7.9 吋，而如果三面打開哂使用，有 10.2 吋。
▲ 跟機個保護殻係咁，可以將佢變成支架使用。
▲ 個支架可以 270 度旋轉。
▲ 有兩種顏色，黑色同紅色，邊隻色你會比較鍾意多啲呢？
另外，以下附上版主喺深圳萬象天地華為店現場拍嘅一段上手 Reels：