好過買六合彩！華為 Mate XT 傳每部回收價賺五位數！網友有無搶到機？

左定坤 (Cho Ting Kwan) 2024-09-20 10:17 | Huawei

今日唔單止係 Apple iPhone 16 系列開賣，同時亦都係華為三摺手機 Mate XT 中國開賣。關於呢部 Mate XT，版主喺手機發佈時，已經親身去深圳旗艦店上手過，呢部手機賣點唔單止係三摺，更重要係好好炒，之前更傳炒到 38 萬，而預計第一日會炒到 7 至 8 萬。到底今日開賣，回收價會係幾多，我哋稍後會再去同大家分享，華強北的回收價錢。而版主昨日就收到消息，話可能每部賺咁多，想知幾多，睇下文啦！



根據版主尋日以及今朝聽到返嚟的消息，華為 Mate XT 正式開賣，如果你好彩可以拎到實機，每部至少可以執到 2 萬蚊，版主之前網上同埋門市現場都有預訂，可惜目前未有收到 SMS 有機搶到，實在可惜！唔知有幾多網友有預約到 Mate XT，而又咁好彩收到短訊可以去買機呢？