仲平過貨 $2,000！Panasonic Lumix CM1 正式抵港價 $8,490 ！
雖然版主 Eddie 之前試過 Panasonic Lumix CM1 都覺得影像素質唔差，不過電池續航力真係好難當手機用，而當相機既話 1 吋感光元件機都幾千蚊買到，定位是有點尷尬。講番呢部機既規格，佢採用 4.7 吋的 1920 x 1080 解像度屏幕、Qualcomm S801 2.3GHz 四核心、2GB RAM ，內置 16GB 容量並可以外置插卡，相機特點就是採用了等效 28mm 的鏡頭，光圈是 f/2.8，感光元件是 2000 萬像素 1 吋 CMOS ，前鏡頭只有 110 萬像素是稍為可惜的，電池只有 2600mAh 是它弱點所在，而它是支援到 4G LTE 與 3G 上網，亦可以作通話用途的，不過頻譜官方就未公佈。這部手機將會在 5 月正式開賣，定價方面是 $8,490 ，比起版主預期的 $8,000 價位來得貴；但尋日版主去先達睇的時侯發現二手機都要賣 $8,000 ，一手機仍然賣 $10,500 以上，換句話說香港行貨都比起日水炒價平 $2,000 ，你地又會唔會考慮一下呢？
在文章發佈的時侯，Panasonic Lumix CM1 定價 $8,490，按此看詳細規格和最新賣價。
