說的是 Panasonic Eluga C，最近百老匯將這部手機清貨減價，只要你用滙豐信用卡簽賬，就可以 $1526 的價錢，入手這部 Eluga C。說外型，這部 Eluga C 完勝今日的 Sony 手機，不過規格就比較「弱雞」，具備 5.5 吋 720p 屏幕，屏幕比例為傳統的 16:9，配備 MTK MT6750T 八核心處理器，內置 4GB RAM 以及 64GB ROM，最高支持 256GB microSD 擴充。
另外，Panasonic Eluga C 亦具有現今流行的雙鏡頭設計，兩個鏡頭分別為 1300 萬像素 + 500 萬像素，當中的 500 萬像素鏡頭，係為咗擷取景深嘅資訊用，而前置鏡頭則有 800 萬像素。就像小米推出的 MIX 系列一樣，Eluga C 的鏡頭是設於屏幕的右下方，自拍時如果唔習慣，可以調轉返部機嚟影相。至於續航部份，Eluga C 內置 3000mAh 電池。
呢部 Panasonic Eluga C 剛推出嘅時候，就話賣二千幾蚊，好貴，而家跌到千五蚊左右，雖然 specs 就麻麻，但勝在夠日系，又吸唔吸引到網友入手呢？留言講下啦！
