5.2 吋不偏色 ! Sony Xperia Z2 真機上手，先試芒!

Keith Yim 2014-02-24 19:06 | Sony

Sony 在 2014 年第一季的旗艦手機：Xperia Z2。有人認為，它只不過是 Z1 的加強版本，屏幕大 0.2 吋，由 5 吋升級至 5.2 吋，但解像度一樣，唔會差好多；身型跟 Xperia Z1 也是差不多，好悶喎。但其實，升級部份也有驚喜，之前已講過的 4K 錄像、更多拍攝玩意如 Timeshift 影片、AR 影片 Effect。這部份稍後先試。版主 Jason 今日係發佈會玩過，驚見 Z2 的 Full HD IPS 芒，比 Z1 靚好多! 有圖有真相，一齊睇睇 Z2 跟 Z1 的分別啦。


▲ Sony 在台灣都有攪 Z2 的發佈喎，所以一眾 Model 是華人樣，不用睇西班牙妹。是樂事吧。


▲ 告訴我，這是 Xperia Z2 定 Z1？分唔到，版主都唔係好分到。但其實 Z2 長一點，窄一點，薄一點 (8.2mm) 最重要是輕左，由 170g 減至 158g，應該無咁重手啦。


▲ Z2 的機背採用跟 Z1 同樣的玻璃鏡面材質。


▲ 8.2mm 厚度。


▲ 機底有三點底，是收音咪。


▲  機頂有 3.5mm 插孔，中間一小點，也是收音咪。


▲ 手機左側，有充電座接口，下方有手機繩孔。


▲ 出機時，已採用 Kit Kat Android 4.4.2 系統。


▲  Sony Xperia Z2 採用跟 Z1 一樣的 Sony G Lens 鏡頭，其 1/2.3 吋二千萬像素 Exmor RS for Mobile CMOS 感光軟件，配合 BIONZ For mobile 影像處理器。


▲  前置相機也是 200 萬像素。


▲  Sony Xperia Z2 支援 IP58 防水防塵功能。


▲ 到了大家也很關心的屏幕測試，左面是 Xperia Z2，右面是 Xperia Z1，打側看，看到 Z2 沒有反白，包和與對比度也足夠。Sony 沒有說 Xperia Z2 用什麼屏幕，規格表只寫明配備 什麼 Triluminos Dispaly For Mobile，X Reality 顯示技術。。。但不公開的消息， Z2 個芒靚咁多，就係用 IPS 屏幕的原因囉。


▲  再來一張屏幕比較：今次左面是 Z1 右面是 Z2。


▲  再來一張屏幕比較：後面是 Z1、前面是 Z2。


▲ 最後送上  Sony Xperia Z2 與 Z1 新舊兩代的規格對比，這是 ePrice.HK 的手機比拼功能，只要 Click 入圖片，就會見到規格對比及完整規格，你都可以齊齊試玩一下。