【購機情報】Sony 、 LG 旗艦減幾百！ Xperia Z1 、 G2 終跌破五千！

Eddie 2014-03-17 17:31 | Sony

新一輪旗艦機 3 、4 月會陸續開賣，幾日之後 3 月 22 第一炮就係 LG 既大芒旗艦 LG G Pro2 ，月底有機會見到 HTC M8 ，就算 Sony Xperia Z2 延期，但有望係 4 月頭見到真機，我諗唔少網友都仲儲緊彈藥去等吧！呢個時侯仲應唔應該考慮上一代旗艦？最近 Sony Xperia Z1 同埋 LG G2 又減價，大鋪價都係 $5,000 有找，睇完再衡量下係咪入手好時機啊！


▲Sony Xperia Z1 最新價錢 $4,998

Sony Xpeira Z1 、 LG G2 大鋪跌價！ $5,000 有找買唔買得過？

稍早之前 LG G Pro 2 係香港發佈開價 $5,698，雖然港版就只有 16GB ROM ，但就會推出獨有既紅色版本，大家會買行定係水呢？（水貨而家大約 $4,800）；而 Sony Xperia Z2 版主從相熟店員入面問到價錢唔到 $6,000，但都估最少 $5,900 啦。相對而言，上一代既 LG G2 最近又減 $200 ， 16GB 版本 $4,798 、 32GB 版本 $4,998 ，終於兩個版本都唔使五千；另一方面 Sony Xperia Z1 官價一次減 $400 去到 $4,998 既價錢，都已經比開賣個陣平 $1,000 了。

雖然兩部機係上一代既旗艦手機，但用既處理器已經係 Qualcomm S800 2.2GHz 四核心，與新一代的 Qualcomm S801 效能相去不遠，要比較流暢度上面也分別不大。版主在日本玩過 Sony Xperia Z2 ，認為在屏幕、相機、音效幾方面都做得比 Xperia Z1 好，大家不妨等埋新機再考慮。而 LG G2 亦有可以換電、插卡既韓水版本可以考慮，最近價錢亦在 $4,000 樓下，要平價玩到同樣級數既亦有 Lenovo Vibe Z 等新機，值唔值得入就見仁見智啦。話說回來，新一代既旗艦機種大家又最期待邊一部？留言分享一下意見，版主也想跟大家討論一下啊！


▲大鋪亦將 LG G2 的價錢減了 $200 ，32GB 都唔使 $5,000 了

文章刊出的時侯， Sony Xperia Z1 的定價是 $4,998 ，按此看詳細規格和最新賣價。
文章刊出的時侯， LG G2 (16GB）的定價是 $4,798 ，按此看最新賣價和詳細規格。
文章刊出的時侯， LG G2 (32GB）的定價是 $4,998 ，按此看最新賣價和詳細規格。