Sony Xpeira Z1 Compact 電訊數碼上台價 $3,498！防水四核 Xpeira Z 三千頭清貨！
版主留意過唔同既電訊商，發現暫時 Sony Xperia Z1 Compact 仍然未有 $0 機價的上台優惠，在先達場內亦唔多見到有「平價貨」，可能因為日本水貨仍然在賣，所以唔多鋪引入吧？要買平價貨？其實仲有一個方式，就係電訊數碼上台平價買機啦。版主問過店員，只需要上 $80 蚊無限上網月費，每個月包 1700 分鐘同埋 384kbps 的限速無限上網就可以用 $3,498 去入手 Xperia Z1C ，計番一年的總支出係 $4,458 ，比起單買機貴 $160 ，算不算划算的方式呢？另外版主留意到上兩代的 Sony Xperia Z 最近亦都清貨減價，由原本的 $3,998 減價到 $3,298 ，算是一個不少的減幅。不過而家 Nexus 5 用 $3,198 就買得到， 又有性價比極高但要幸運大抽獎既 OnePlus One ，相對之下一年前的旗艦就唔係太吸引啦，當然大家想平價入一部防水防塵的四核手機，也是可是考慮它啦！
▲Sony Xpeira Z 減價到 $3,298 ，但最近有咁多「性價比」手機推出，大家仲會唔會去選擇佢呢？
在文章刊登的時侯， Sony Xperia Z1 Compact 定價 $4,298 ，按此看詳細規格和最新賣價。
在文章刊登的時侯， Sony Xperia Z 定價 $3,298 ，按此看詳細規格和最新賣價。
