店員：「有買趁手，紫色貨量少」！ Sony Xperia Z Ultra 最後一水貨賣 $3,698？
今日版主去過衛訊問 Sony Xperia Z Ultra 的最新行情，店員就話這部手機最近迎來了清貨式減價，由原本的 $4,298 再減到 $3,698 ，亦即係話可以用 $4,000 以下的價錢入手一部 6.4 吋 FHD 、 Qualcomm S800 2.2GHz 四核 、 2GB RAM 的旗艦手機，雖然話相機方面只有 800 萬像素，亦沒有補光燈，一般拍攝的話還是可以接受的，加上這部手機支援 64GB 插卡，版主個人就會放大量影片進去當成平板使用，可以用這個價錢去入手也是很不錯啊！不過同時店員亦同版主講， Sony Xperia Z Ultra 的貨量不多，估計也不會再番貨，也就是說 $3,698 是最後一水的價錢？而三種顏色方面黑、白色都有充足的貨量，紫色店員就話「要入倉睇下」，最後說有 1~2 部的存貨。版主亦問過電訊數碼和其他電訊商，暫時還沒有比 $3,698 更便宜的價錢賣 Sony Xperia Z Ultra ，眼看這部機好似就快下架了，大家又會唔會去衝一部？留言分享一下睇法吧！
▲版主亦有到先達睇，水貨的 Xperia Z Ultra LTE 現時賣大約 $2,700 至 $2,800 左右，亦有唔少二手機賣 $3,000 樓下，不過行貨有足一年保養都係貴幾百，仲買唔買水貨就真係見仁見智。
▲話說，版主 Eddie 是很喜歡 Xperia Z Ultra 的，有幾次去外地工幹的時侯都拿來當平板使用，最正就昤是有 IP5/8 防水，如果當作平板用也似乎不錯啊
在文章刊出的時侯， Sony Xperia Z Ultra （4G LTE) 賣價 $3,698 ，按此看詳細規格和最新賣價。
