全面減價 $3,998 ！ Sony Xperia Z Ultra LTE 最後一批？買行定買水？
早幾日在 Sony Xperia Z2 的試玩會中，都有網友問到會不會有下一代的 Xperia Z Ultra 系列手機，可惜無論是官方還是坊間都未有任何消息，或者要等到六、七月先會有更明確的答案。而上市接近 9 個月的 Sony Xperia Z Ultra 最近亦稍稍減價了，由原先的 $4,298 減到 $3,998 ，再一次跌破 $4,000 關口。雖然就未到上次 $3,698 的清貨價錢低，也算相當不錯吧？順帶一提，店員有提及過 Sony Xperia Z Ultra LTE 貨量不多，要全新機就只有最後幾部，雖然優惠應該不會收起，但買唔買到都係睇大家彩數啦。行貨係咪真係就快斷貨？版主去過先達問到 Sony Xperia Z Ultra 的行貨，有些細鋪表明全新貨就已經沒有，而水貨價錢大約在 $2,700 ~ $2,900 左右；有鋪就表示 Xperia Z Ultra 出現「斷色」的情況，紫色機會比較多。而真正有「一手行貨」的細鋪就賣大約 $3,100 ~ $3,300 ，與行貨價錢差距幾百，不過留意 Sony 只承認在指定店鋪出售的行貨，在細鋪買隨時唔受保，值唔值得慳果幾百就真係見仁見智啦。
今年會唔會又有一部大屏幕既旗艦手機出現？版主可以答大家：「未有任何消息」。不過今年 Sony 推出中階手機都算幾積極，之前就有 6 吋大屏幕四核的 Xperia T2 Ultra ，過兩日就會有一部版主認為性價比不錯的入門 4G LTE 四核 Xperia M2 上場。如果真的會有 Xperia Z2 Ultra ，大家又期望會係咩規格呢？留言講一講吧？
▲今次問過幾間大鋪，都確認了 Xperia Z Ultra LTE 定價減到 $3,998 ，應該不會再收起個價錢了；店員說全新貨不多，入貨量都很少，恐怕離最後一批貨不遠了
▲在某些細鋪中， Sony Xperia Z Ultra LTe 和 Xperia T2 Ultra 只差 $50 ，版主問過兩部都是「全新行貨」，大家又會考慮邊部呢？
在文章刊出的時侯， Sony Xperia Z Ultra （4G LTE) 賣價 $3,998 ，按此看詳細規格和最新賣價。
