Sony Xperia Z2 、 LG G Pro 2 同步減價！平幾百你買邊部？
係 2014 年推出既旗艦手機入面， HTC One (M8) 早前就率先減價由 $5,998 減到 $5,798，而 LG G3 上市一個星期多少少亦都有「大鋪暗價」出現啦，下一部減價既旗艦機係邊部？就係 Sony 既 Xperia Z2 ，這部手機官價剛由 $5,998 減到 $5,698 ，大鋪入手仲會有原裝保護套同埋充電底座送，當然 Micro-SD 卡、保護貼都會跟埋啦。講到呢部手機除左有 2000 萬像素 G 鏡頭同埋 4K 錄影之外，內置既 Qualcomm S801 四核心處理器配 3GB RAM 都係好好既規格，雖然場內價錢就平接近 $1,000 ，不過保養方面都係大鋪行貨比較穩陣，係邊買大家都要諗諗啦。另一部減價既旗艦級手機就係 LG G Pro 2 啦，可能因為 LG G3 出現「暗價」既關係，呢部手機又要減一減價去促銷，現時 16GB 版本既 LG G Pro 2 大鋪定價 $4,998 ；32GB 版本定價 $5,298 ，也就是比之前便宜了 $300 。版主去場內睇過 LG G Pro 2 的價錢其實跌得幾誇張，韓水的話用 $3,500 左右就可以入手，而細鋪「全新行貨」 16GB 都係賣緊 $3,680 ~ $3,780 ，與行貨亦有一段距離，網友又會點揀呢？而幾部旗艦手機入面，大家又最鐘意邊部呢？留言講講意見吧！
▲LG G Pro 2 的價錢剛剛減了 $300
在文章刊登的時侯， Sony Xpeira Z2 定價 $5,698 按此看詳細規格和最新賣價。
在文章刊登時，LG G Pro 2 賣價為 HK$4,998， 按這裡有詳細規格及介紹
在文章刊登時， LG G Pro 2 (32GB) 賣價為 HK$5,298， 按這裡有詳細規格及介紹
