流動 HKTV 唔駛二千六! 6.44 吋芒 Sony Xperia Z Ultra 激減!

Keith Yim 2014-11-01 15:30 | Sony

就快開 HKTV 了，大家預備好手機、平板睇新電視台未? 六吋大芒機夠唔夠？剛剛版主 Eddie 係泰國直擊了華為的 Ascend Mate 7 六吋大芒機發佈會，部機以四千唔駛賣價示人，而 Samsung 另一款 Mega 2，更是三千有找賣街！但若想用到性能跟 Mate 7 差不多，屏幕解像度又要好過 Mega 2，原來一年前的機種已做得到，呢部就係 Xperia Z Ultra，有電器店大減價，最平入手價 $2598，不少朋友聽後都想衝番部，用來睇 HKTV 或者上網都好！你呢？


▲ Sony Zperia Z Ultra 只有 6.44mm  厚度，薄過不少平板與大芒手機。 

找回資料，記得版主 Eddie 係五月寫過 Sony Xperia Z Ultra 4G LTE 版本已進入貨量倒數階段，但其實唔係，衛訊最新十一月信用卡推廣，包括了 Xperia Z Ultra 4G 份兒，只要你用東亞信用卡碌卡買機或者免息分期，$2598 就入到手。不過咁，版主幫你問過，若你無呢張信用卡，其實只係貴一百蚊，現金或其他信用卡分期都得，即係 $2698！都夠抵喎! 睇番呢部機，係一年前推出時，賣價要$6398，十月份在大店減價潮下，也只賣三千左右，家陣再跌幾舊水!

Sony Xperia Z Ultra 是一部不錯的 Phablet 手機，亦是 Sony 首部用上 IPS TFT 屏幕的手機：6.4 吋支援 1080p 解像度。機身只有 6.4mm  薄身，攝在公事包也不夠厚呢！它的規格拍得上最近推出的 Mate 7，好過三星 Mega 2，使用 Qualcomm S800 2.2GHz 四核心處理器、2GB RAM 及 16GB ROM，支援 IP5/8 防水、防塵，支援多頻段 4G LTE，用 WiFi 定 4G 睇 HKTV 就最好了 (按這裡搶先下載 APK  Android 安裝檔) 。相機一環，有八百萬像素 Exmor RS 相機及二百萬前鏡頭，只是沒有補光燈而已。


▲ ＄2598 入到手。