舊代 S801 旗艦大鋪清貨特價！HTC Butterfly 2 、Sony Xperia Z2 都平價
或者唔係個個網友都留意手機市場，所以先同大家講下大鋪既最新情況先啦。之前版主 Lawrence 都提過 Samsung 幾部旗艦機減價，而 Galaxy S5 終於減到 $4,198 ，不過佢同期出既 S801 防水手機都係 $4,000 樓下。就好似 HTC Butterfly 2 咁，採用 5 吋 1920 x 1080 SLCD 屏幕、Qualcomm S801 2.5GHz 四核心處理器、2 GB RAM 、 16GB ROM(支援最大 128GB 外置插卡），1300 萬像素主鏡頭， 500 萬像素前鏡頭，內置式電池量 2700mAh，具備 IP5/7 等級防水，都係賣 $3,398，平成 $800 啊！另一部都係大鋪做緊優惠既防水機就係 Sony Xperia Z2 ，佢防水能力有 IP5/8 ，比起 Butterfly 2 更強，亦有更大的 5.2 吋 1920 x 1080 解像度屏幕，處理器方面是 Qualcomm S801 2.3GHz 四核心配合 3GB RAM，內置 16GB 容量並可以外置插卡，而相機有 2000 萬像素 G 鏡頭，採用了 1/2.3 吋大片幅感光元件也是一個大賣點啊，電池量方面有 3200mAh，大鋪價錢方面賣 $3,698 是比 B2 貴一點。版主問過大鋪， Xperia Z2 都開始少貨，紫色機貨量會比較少；而之前減價的 HTC One M8 已經全線斷市，不知道 Butterfly 2 仲會賣到幾時啊！
▲ Sony Xperia Z2 減到 $3,698 ，比起官價平好多，但畢竟有部更平的 Butterfly 2 所以較少人講，其實性價比也算不錯啊！
先達場內 S801 行貨賣 $2,xxx！邊部二輪旗艦最值得入？
講到執平貨，又點可以少得去先達同埋細鋪搵，上次版主 Lawrence 同大家講過 LG G3 (32GB)用 $3,300 就可以入手「全新行貨」，而版主知道最近價錢再跌少少， 16GB 版本的 LG G3 可以用 $2,980 買得到「全新行貨」，而 32GB 機價仍然在 $3,200 ~ $3,300 左右，憑佢有 2560 x 1440 解像度的 2K 屏幕、Qualcomm S801 2.5GHz 四核，賣呢個價性價比真係唔錯，版主意見係可以問多幾間，因為有些地方已經冇晒「全新行貨」，會遊說你去買水貨，都唔係平好多架咋！如果話「大鋪行貨」同埋「場內行貨」差唔既機種，就要數 Smasung Galaxy S5 啦，大鋪而家仲賣緊 $4,198 既同時，場內唔少鋪都用 $3,500 ~ $3,600 既價錢去賣，價差只係 $600 ，所以唔少店員叫版主買 $2,980 既水貨，可能因為 Galxay S6 就快推出，大家都想散貨吧？要數夠平既，應該都係 HTC One E8 ，大鋪都係賣緊 $2,998 去散貨，場內最平見到 $2,400 ～$2,600 都有交易，講真兩千五去買 S801 機抵唔抵？ OnePlus One 出個陣大家都覺得好唔錯，去到 2015 大家心態又會唔會唔同呢？
下面有幾部二輪旗艦既詳細規格表，大家可以 Click 入去睇最新賣價，亦可以比較一下佢地既詳細價錢：
