防水八核 Xperia M4 Aqua 登場，$2700 有找算唔算抵？
係規格上， Xperia M4 Aqua 如果同上一代作對比的話，「一方面加入左 4G 雙卡雙待的支援」，而係屏幕上亦都提升至 5 吋 720 x 1280 解像度的規格。係處理器上亦改用主流中階手機所配備，支援 64Bit 的 Qualcomm S615 1.5GHz + 1.0GHz 八核心以及 2GB RAM 同埋 16GB 的內置容量（支援最大 128GB Micro SD 卡）。相機方面 Xperia M4 Aqua 也用上具有 F2.0 大光圈的 1300 萬像素主鏡頭同埋 22mm 廣角的 500 萬像素鏡頭。最後係電池方面 Xperia M4 Aqua 就用上 2400mAh 電池。而價錢方面， Sony 係今次發佈會上當然都公佈左 Xperia M4 Aqua 的售價啦，呢部手機將會係 6 月份開賣，而價錢就將會係 $2698，呢個價位大家覺得算不算吸引呢？
▲ 版主 Eddie 係 Xperia M4 Aqua 首次發佈的時候都試玩過，佢都提到試玩時感覺相當唔錯。
屏幕+處理器+相機 全面升級！ Xperia C4 Dual 6月開賣
同場發佈仲有另一部同樣值得關注的 Xperia C4 Dual ， C4 Dual 定位同 M4 Aqua 價錢定位相近，同樣係屬於中價手機類別，但規格上其實比 M4 Aqua 更強。一來同樣支援 4G LTE 雙卡雙待，而屏幕上 Xperia C4 Dual 更用上 5.5 吋支援 Mobile BRAVIA Engine 2 技術的 FHD 屏幕，處理器就係 MTK 的 MT6752 1.7GHz 八核配 2GB RAM 以及 16GB 內置容量（支援最大 128GB Micro SD 卡），而主鏡頭就由上一代的 800 萬像素升級到 1300 萬像素，前鏡頭更加係手機重點之一，用上 25mm 廣角的 500 萬像素的 Exmor R 前鏡頭，除左有前置補光燈外也有 HDR 功能。係價錢方面， Xperia C4 Dual 將會係 6 月正式推出，價錢就係 $2898。
▲ 其實 Xperia C4 Dual 的上一代 Xperia C3 係大鋪仍可買到，價錢都係兩千蚊有找。
再講多少少有關 Xperia M4 Aqua 的消息，相信大家都知道其實目前係市場上大家可以選購的防水機實在不多，而價錢較低的就更少。好似 Samsung 前代旗艦 Galaxy S5 就仍要四千一蚊左右，而 HTC 也有不少防水手機好像 Desire Eye 同埋 Bufferfly 2 ，不過因為同樣屬於 HTC 旗艦級別的關係，賣價都仍然要三千多。而 Sony 目前最平的防水手機相信就係 M2 Aqua 啦，版主發現係大鋪仍然可以買到，價錢兩千蚊有找，但同 Xperia M4 Aqua 相比規格都差唔少。如果大家係選擇防水機的時候，邊部先會係你的心水呢？以下係規格比併列表，大家不如睇完後講講睇法吧！（當然都可以講下對兩部新機的意見啦）
Sony Xperia M4 Aqua 與 Xperia C4 Dual 都係 4G 雙卡雙待，支援 FDD-LTE 及 TD-LTE Band 40 (2300)，也可以叫做支援中港 4G LTE。香港版 M4 Aqua 有黑、白及紅色選擇，而 C4 Dual 有黑、白、緣三色選擇。
在文章發佈的時侯， Sony Xperia M4 Aqua 定價為 $2698，按此看詳細規格和最新賣價。
在文章發佈的時侯， Sony Xperia C4 Dual 定價為 $2898，按此看詳細規格和最新賣價。
