Xperia Z3 升級版！ Sony Xperia Z3+ 正式發佈，主打旗艦級處理器
當 Xperia Z3+ 首次亮相的時候（也就是 4 月日本發佈 Z4時）很多朋友都對呢部新機表示有點失望。確實，如果以頭牌旗艦來講 Xperia Z3+ 新鮮感可能有點不足，不過如果視作一個升級版本的 Xperia Z3 的話其實也算是不錯。一睇下兩代 Xperia 手機有甚麼分別啦！1. 不止黑、白、銅， Xperia Z3+ 仲有 Aqua Green
係顏色上 Xperia Z3+ 主要的不同是多左 Aqua Green 呢隻新色。而上一代的 Xperia 本身就有黑、白、銅同埋綠色四色，後來在情人節期間更多左紫色。唔知日後 Xperia Z3+ 又會否新增其他顏色呢？
▲ 呢隻就係 Aqua Green 版本的 Xperia Z3+ 啦！
2. 外型相近但 Xperia Z3+ 更輕更薄
如果從外型方面來講，其實兩部機分別不算好明顯，唔仔細睇可能大家都分唔到。不過，其實 Z3+ 係厚度同重量方面都係有所進步的， Xperia Z3 的厚度為 7.35mm 重 152g ，而 Xperia Z3+ 只係 6.9mm 厚同埋 144g 重。3. 同樣防水防塵！ Xperia Z3+ 不再需要防水蓋
外型上 Z3+ 就同 Z3 一樣用左前後雙鏡面的 Omni-balance 設計。不過同 Z3不同，Z3+ 就放棄左磁性充電埠而且 USB 插口不再需要防水蓋保護，但一樣有 IP65/68 的防水防塵啊！4. 硬件規格大升級！ Xperia Z3+ 改用 Qualcomm S810 八核
係硬件方面，雖然 Xperia Z3+ 一樣使用 5.2 吋 FHD 解像度屏幕，但係在處理器上的升級就相當明顯啦！相比起 Xperia Z3 的 S801 四核處理器， Xperia Z3+ 就用左 Qualcomm S810 八核處理器配上 3GB RAM 。一部係 2014 年旗艦的規格，而另一款就係 2015 年旗艦機的規格，大家又覺得呢個分別是否重要呢？5. 用到 300 速！Xperia Z3+ 支援 Cat 6 LTE
話明係改用 Qualcomm S810 處理器，好明顯 Z3＋另一樣優勝之處就係可以支援最高達 300Mbps 的 LTE Cat 6 啦，呢樣亦係使用 Qualcomm S801 處理器的 Z3 所不及的地方。6. 內存容量多一倍！ Xperia Z3+ 32GB 內置容量兼可以插卡
Xperia Z3+ 除左能夠支援 LTE Cat 6 之外，內存方面也是明顯比 Z3 多。另外 Xperia Z3+ 也支援 128 GB microSD 。7. 前鏡頭規格提升， Xperia Z3+ 改用 510 萬像素鏡頭
相機部份 Xperia Z3+ 雖然係主鏡頭上沿用 Sony Exmor RS 感光元件，配合 BIONZ 影像處理器及 25mm 廣角 G Lens 的 2000 萬像素鏡頭，但係前鏡方面 Z3+ 相比起 Z3 就更優勝，因為 Z3+ 改用左 510 萬像素 Exmor R 感光元件的 25mm 廣角鏡頭。
8. 加入 LDAC 傳輸系統， Xperia Z3+ 無線聽歌體驗更佳
音樂播放一向是 Sony 旗艦的賣點，而 Xperia Z3+ 同前代對比主要的分別就係軟件方面加入 LDAC 傳輸系統。如此一來就可以做到高清的無線聽歌體驗，亦真正硬件支援到 192kHz / 24bit 高音質音樂播放，音質方面估計有一定提升。（以前 Xperia Z3 也播到 192kHz / 24bit，但需要軟件輔助）
▲ 總括來講， Xperia Z3+ 係各方面同 Xperia Z3 都係有所提升，想入手頂級規格 Sony 手機的話基本上揀 Z3+ 就無錯啦。
大陸天價開賣！ Sony Xperia Z3+ 香港定價你估係幾錢？
係正式推出前版主其實都唔知道 Xperia Z3+ 最終的香港定價會係幾多，不過因為今日其實都係 Z3+ 係大陸正式發佈的日子，所以版主都聽聞過呢部機在大陸的賣價！想唔到在大陸 Xperia Z3+ 定價居然要 4999 人仔（約為 $6283 港幣），如果香港定價係跟大陸的話咁 Xperia Z3+ 價錢將會貴過晒一眾 Android 旗艦！（除左要成 $6598 的 Galaxy S6 Edge 之外） 唔知大家又估呢部新機建議售價會係多少呢？睇完上文升級版的 Xperia Z3+ 同 Xperia Z3 對比之後，大家可以睇埋以下 Xperia Z3+ 同一眾 Android 大牌子旗艦的比一比，再投票同講意見啊！
另外，相信大家都知道後日 5 月 28 號就係 Sony 在香港發佈 Xperia Z3+ 的日子而且 6 月 6 號更加有 ePrice.HK Sony 手機產品體驗日（有齊一眾新機！），千萬不要錯過啊！
▲ 以上有齊 Z3 同埋一眾今年推出的旗艦規格， Click 入去就可以睇到詳細資料啦。
Sony Xperia Z3+ 於文章刊登時，香港賣價未定。按這裡知道更詳細規格及最新賣價。
