外型規格提升！ Xperia Z3+ 開賣日期 + 售價決定！
好！講完 Xperia Z3+ 命名的小插曲之後就到戲玉啦，有關 Xperia Z3+ 的外型同規格等資料雖然應該有不少朋友背得滾瓜爛熟，不過都係要同大家提多次。 Xperia Z3+ 係屏幕方面採用 5.2 吋 1080p IPS 屏幕， TRILUMINOS for mobile、Live Colour LED 與 X-Reality for mobile 等技術樣樣有齊，亮度都比前代高。處理器部份就同 HTC One M9 以及 Z4 Tablet 一樣採用 Snapdragon 810 八核心處理器配 3GB RAM 以及 32GB 內置容量。相機方面，主鏡頭就同 Xperia Z3 一樣內建 1/2.3 吋 Exmor RS 感光元件 2070 萬像素相機，而前鏡就有 25mm 廣角 500 萬像素 Exmor R 感光元件，電池就係 2,900mAh 。至於開賣細節， Sony Xperia Z3+ 將會係 6 月推出，而定價就係 $5698 ，4 隻色會同時開賣。另外要留意就係今次 Xperia Z3+ 係同時會有雙卡同單卡版本的，單卡版可以支持 Cat 6 LTE 而雙卡版就係 Cat 4 LTE 。見到呢個價錢大家又會否覺得驚訝？
▲ 終於， Xperia Z3+ 的價錢都公佈了， 五千七樓下定價又是否在大家可接受範圍內？
各大牌子旗艦出齊！大家又會點揀？
分享完 Xperia Z3+ 的規格同定價，又係時候將呢部機同今年一眾大牌子的旗艦做個對比。今季大家可以見到一個有趣現像，可能因為 S810 表現飽受質疑的關係，雖然呢個處理器仍屬於旗艦級配備，但各大牌子的頭牌機其實都選用左不同的處理器， Samsung 用返自家的 Exynos 來作為 Galaxy S6 Edge 的 CPU ，而 HTC 最新的 M9+ 就係用緊 MTK ， LG 雖然都揀返 Qualcomm 不過就用左 S808 六核。唔知大家同呢幾部機相比，大家又覺得 Xperia Z3+ 有無力跑出呢？一齊講講意見吧！（另加埋 Xperia Z3 方便大家衡量邊一款 Sony 旗艦更抵玩）
▲尤記得上年的旗艦機除左 Samsung 之外基乎清一色係用 Qualcomm S801 ，想不到今年竟有百花齊放的局面。
Sony Xperia Z3+ 於文章刊登時，香港定價為 $5698 將於 6 月發售。按這裡知道更詳細規格及最新賣價。
