▲ Sony Xperia Z3+ 香港賣價為 $5698，係六月初上市，數數下好快喎。
▲ 其中一款最多人談論嘅色係：Aqua Green，到底係藍定綠。現場睇的話，係近綠色嘅。
▲ Sony Xperia Z3+ 一樣用上 2000 萬像素鏡頭。
▲ 左面是 Z3+ 右面是 Z3，點分？睇睇機底，有 USB 埠就係 Z3+。今次 Z3+ 用上防水 USB 埠，充電方便外，亦繼續有 IP65/68 嘅防水效能。
=> 按呢到有更多 Sony Xperia Z3 與 Z3+ 外型嘅比較實測。
機身唔算熱
Sony Xperia Z3+ 採用 Qualcomm S810 64bit 八核心處理器，雖然呢粒 CPU 網友會覺得有過熱嘅問題，廠商因為減溫會將效能降低。係 Z3+ 裡面有無呢問題呢？我地用 AnTuTu V5.7.1 做過跑分，係 64bit 模式下，都有五萬分左右，相對 Z3 採用 S801 CPU 嘅四萬七千分，係高好多，跟 HTC One M9 嘅跑分差唔多。版主手上嘅係雙卡雙待版本，比較有趣嘅係，日本版係網上流傳嘅 review 係跑到五萬二分，唔知點解國際版會有 D 差別。但五萬分已係 S810 嘅水準。
▲ AnTuTu 跑分為五萬分，係用上 S810 CPU 嘅手機裡面，叫做唔錯。但當然 Galaxy S6 用佢嘅自家 CPU，跑分可以去到七萬啦，但效能來說叫頂級。
▲ 大家關心，又一部 S810 CPU 嘅手機，會唔會好熱架! 版主係發佈會一個有冷氣嘅環境，係開機再 download CPU-z 軟件，得到機身溫度係 33.7 度，而經過 AnTuTu 與 Vellamo 跑分，機身溫度上升至 40 度左右。睇番版主 Eddie 做嘅 HTC One M9 評測，當時佢播完片後，係 M9 用同一個軟件都有 40 度。不過，可能 Z3+ 不是金屬機，版主係跑完分後，上手感覺係機背只係微暖，絕對可以接受。
▲ Basemark ES 2.0 用來測試手機運作 3D 遊戲嘅效能，有 60fps 叫十分好。得出 59.5 分代表打 3D 遊戲，應該會不錯嘅效果。這亦係用 Qualcomm 高效 CPU 好處之一。
▲ Vellamo 跑分分為Chrome 瀏覽器、多核與金屬。Chorme 瀏覽器代表用 Chorme 上網嘅流暢度。Z3+ 分數好高嘅，代表用來上網 browsing 感覺會好好。而多核、金屬用來測試手機整體效能。多核是多核心 CPU 運作情況，Z3+ 分數都係偏高偏好。
屏幕係靚左
Sony Xperia 手機都用上 Sony 係電視機都有用上嘅屏幕技術，用軟件去增強屏幕效果。Sony Xperia Z3+ 跟 Z3 一樣，用上 IPS 屏幕，有 Sony 嘅 Triluminos 及 X-Realiy 技術嘅加持。照 Sony 嘅產品介紹， Z3+ 比起 Z3 嘅屏幕，光亮度增加了 16%，sRGB 亦達 130% 令屏幕有更具層次生動色彩。Sony 說的光度，不是屏幕嘅光度，而係可以把比較暗黑嘅相片裡面，會有更光表達。版主立即用 Z3 與 Z3+ 做過比較都發覺係屏幕上面效果有不錯嘅進步。
▲ 真實測試，以同一張相片把手機屏幕調至最光，可見舊款 Z3 (左) 沒有新款 Z3+ (右) 咁光，再放大來睇。Z3+ （右）增強了屏幕亮度，令 Model 面部層次也有提升。
▲ Z3+ (右) 屏幕亦比較冷，白色出得更白。
▲ Z3+ (右) 屏幕嘅則視效果亦較優。
高清好音效
Sony Xperia Z3+ 有一項用眼睇唔到嘅升級，要用耳去聽嘅。Sony Xperia 高檔手機，一直跟 Sony 影音產品好配合，由 Z2 開始，已經支援 Hi-Res Audio 高清音樂。係 Z3+ 裡面，除了透過 3.5mm 耳機、USB 埠外，亦可以透過藍牙輸出高清音質，當然你要配上 Sony 品牌嘅耳機啦。係軟件方面，Z3+ 新增自動耳向優化技術，手機會自動分折你用嘅耳機，會輸出偏向高音、中音與或低音，令你聽到更好嘅音質。
▲ Xperia Z3+ 支援自動耳機優化功能。
▲ Z3+ 透過 LDAC 技術，支援三款 Hi-Res Audio 高清音質輸出。
▲ 加映原裝 Flip cover。可配合相關 App 跟番手機及屏幕顏色嘅 Wallpaper。
跟據版主嘅初期實測，跑分、屏幕、音效都的確比起 Z3 有進步，仲係睇得出，聽得到。關於 Sony Xperia Z3+ 都仲有地方可以試，例如相機、前置鏡頭。留意版主或網友之後嘅實測啦。
Sony Xperia Z3+ 於文章刊登時，香港定價為 $5698 將於 6 月發售。按這裡知道更詳細規格及最新賣價。
更多有關 Sony Xperia Z3+ 文章：
七個 spec 表睇唔到嘅小秘密！ Sony Xperia Z3+ 值得升級？Sony Xperia Z3+ 版主上手! 跑分、屏幕、效能立即試
Sony Xpera Z3+ 香港登場！價錢是否令你意外？
點解唔係叫 Z4? Sony 高層爆料：源自日本仔的自信
真機試玩實測！ Sony Xperia Z3+ 比拼前代旗艦 Z3
版主數八個 Sony Xperia Z3+ 重要升級! 大陸天價開賣，香港又點睇?
