Xperia Z 系列最新作！ Z5 主打 2300 萬像素＋指紋感應
作為 Sony Xperia Z3+ 的後繼機種， Xperia Z5 可以話係 Z3+ 的再進化版，係外型上都係用左大家耳熟能詳的 OmniBalance 設計，而係機身左邊就多左 Xperia 字樣。在規格方面， Xperia Z5 有 5.2 吋 FHD 解像度屏幕，處理器就係 Qualcomm 的 S810 八核配上 3GB RAM 以及 32GB 內置容量（最大支援 200GB SD 卡）。相機方面 Xperia Z5 都同前代 Z3+ 有所不同，用左 2300 萬像素全新 Exmor RS 鏡頭，擁有 5X Clear Image Zoom 同埋 0.03 秒自動對焦等功能。而前鏡就係 500 像素同埋 2900mAH 電池。另外，新機也都加入左指紋掃描器。
▲ 今次 Z5 其中一個特點是電源鍵加入左指紋掃描。
三機當中規格最強！ Xperia Z5 Premium 有 5.5 吋 4K 芒！
不過，如果講到新鮮感同驚喜度的話， Xperia Z5 Premium 相信會更出色。呢部機主要的賣點就係滿足左不少用家對於大芒的訴求。在外型上 Z5 Premium 跟 Z5 分別未算很大，但係規格上就擁有 5.5 吋大芒再加 4K 解像度，也是目前解像度最高的手機！在處理器方面 Xperia Z5 Premium 都係用左 Qualcomm 的 S810 處理器再配上 3GB RAM 以及 32GB 內置容量（最大支援 200GB SD 卡），相機就係 2300 萬像素主鏡配上 500 萬像素前鏡。係屏幕大左的情況下， Z5 Premium 的電池當然都會更大啦，有 3430mAh 電量。
▲ 三機拍埋一齊，可以見到 Xperia Z5 Premium 機身看來不是大左好多咋
以輕巧為賣點， Z5 Compact 硬件規格一樣有 2300 萬像素相機
係推出左 Z3 Compact 後，作為市場上少有的「細芒」 Android 手機，據聞 Sony 所得到的成績也是很不錯。所以今次當然係食住上推出 Z3 Compact 的新一代 Z5 Compact 啦！雖然機身同屏幕細左，但係 Z5 Compact 係規格上仍然係屬於旗艦級的，有 4.6 吋 HD 解像度屏幕， Qualcomm S810 處理器配 2GB RAM 以及 32GB 內置容量（最大支援 200GB SD 卡），相機都係 2300 萬像素全新 Exmor RS 鏡頭，電池就係 2700mAh。
▲ Z5 Compact 係今次手機當中機身最細的。
最後，Xperia Z5 及 Z5 Compact 將會於 2015 年 10 月推出,Xperia Z5 Premium 則於 2015 年 11 月推出。Xperia Z5 及 Xperia Z5 Premium 將備有單卡及雙卡版本選擇。提完三部新機後，不知大家又覺得邊一部 Xperia Z5 系列新機最能吸引到你呢？留言講講啦！
Sony Xperia Z5 系列發佈會文章
- [推到完場] Z5 新機三連發？ Sony Xperia 新機發佈會現場直播
- Sony Xperia Z5 Premium, Z5 Compact + Z5 真機規格確定
- Sony Z5 三機真機速睇
- 對決 G4 、 Note 5 ！ Sony Z5 Premium 主打 4K 芒你撐唔撐？
- 第一 4K 芒手機 四個你要知嘅 Sony Xperia Z5 Premium 秘密
- Sony 推出兩款全新耳機 有 Hi-Res 新機
Sony Xperia Z5 在文章刊登時，未有賣價，按這裡有詳細規格及最新報價。
Sony Xperia Z5 Compact 在文章刊登時，未有賣價，按這裡有詳細規格及最新報價。
Sony Xperia Z5 Premium 在文章刊登時，未有賣價，按這裡有詳細規格及最新報價。
