外型與芒齊比較
Sony Xperia Z5 Premium 硬推有一個可以輸出 4K 效果影像嘅屏幕，但係呢，大細只係香港人都好受落嘅 5.5 吋。一向都知， Sony 的手機大細可以做到很合手型，版主 Lawrence 就係日本發佈會，親身上手 5.5 吋芒嘅 Z5 Premium 與 5.2 吋 Z5，好老實，單從相片，實在很難分別大小 (若果唔拍埋一齊)，從 Lawrence 嘅手握情況，Z5 Premium 不算過份大部，在使用上，應該比起更大嘅六吋屏幕自然好多。
▲ 左面係 Z5 Premium、右面 Z5，從相片可見，手感唔因為 Z5p 大 0.3 吋已差好遠，設計亦相約。
▲ 再睇睇 Z5 (左) 與 Z5 Premium 嘅大細比較。
Sony Xperia Z5 Premium 用上 5.5 吋 IPS 材質屏幕，但塞入了 4K 解像度。4K 其實即係大部份高檔手機嘅 Full HD 1080p 嘅 4 倍，意味著手機屏幕細緻度會多出 4 倍。問題係，大家受過 Apple 教育，都知道過左 Retina 嘅 300dpi，肉眼好難分得出效果，而 Z5 Premium 更去到 806dpi。但版主覺得，真正效果，係要用眼睇過先知。好了，就睇下版主 Lawrence 透過相機拍下嘅效果會係點。
▲ 相片裡面示範相片，係來自 Sony 提供嘅 16:9 4K 解像照片，達 3840 x 2160 pixels。比較 Z5 與 Z5 Premium 顯示效果。其實睇屏幕 Size 已經知道，比較大芒會係 Z5P 而細芒會係 Z5。網友們可以放大相片去作比較，版主嘗試把圖片作 100% 放大，的確 4K 解像度嘅 Z5P 比起 1080p 嘅 Z5 ，屏幕顯示出來嘅細緻度上有點分別，Z5P 睇得更細膩。雖然兩著差距，唔係去到嘩一聲地步，但的確方便大家作相片細仔對比之用。而因為屏幕材質不同，令到 Z5p 與 Z5 顯示色調亦有差別，4K 解像度 Z5P 出來顏色感覺暖一些，而 1080p 屏幕 Z5 比較冷一些。
▲ 有說 Sony Xperia Z5 Premium 可以透過 upscaling 升線技術，把未到 4K 嘅相片、短片或 YouTube 短片，模擬出 4K 輸出效果 (其他 Apps 如 Facebook 是不支援)。不過，換過另外一張 Sony 提供只有 Full HD 1080p 嘅圖片，再比較兩款屏幕嘅顯示效果。放大來看，分別似乎不太明顯。
▲ 再睇睇可視角度，Z5P 與 Z5 其實相差很少，打側都可以睇得清楚內容，亦沒有反白。不過，版主 Lawrence 表示，現場睇 Z5P 嘅側視效果會比 Z5 好，尤其亮度比 Z5 會更強。
▲ 一直有說 Z5P 嘅 4K 解像度，只會對應手機嘅 Album 及 影片兩個 Apps。這又正常，因為其他 App或 Google 本身 App icon 都支援咁超高清，夾硬來也只會做成手機使用上嘅不便。而呢張比較圖，亦見到 Z5P 偏向暖色。Z5 偏向冷色，除了解像度以外，這亦可能係你揀 Z5 與 Z5P 之間嘅考慮重點吧。
▲ 兩個屏幕的放大 Icon ，跟本唔存在好大分別。
▲ Lawrence：見到以上 google map 或者係 icon 兩張相，可能大家都好難分到兩者有咩分別，其實 Z5 Premium 係平常狀態下原來是會用返 FHD 顯示的，以上係從 Sony Z5 Premium 上截圖的資料以及一張截切後直接放上來的 Z5 Premium 截圖。
小結：4K 屏幕有作用
經過同系 1080p 與 4K 芒嘅 Z5 與 Z5 Premium 作比拼，雖然說肉眼好難分別出兩者顯示出來嘅效果，但其實只要你放大相片，4K 芒嘅 Z5 Premium 的確可以顯示更細緻嘅效果。要知道，Z5 系列本身有二千萬像素相機，拍出來嘅相片尺吋好大，4K 芒絕對方便用家檢視高像素相片嘅細緻位置。Sony Xperia Z5 系列發佈會文章
- [推到完場] Z5 新機三連發？ Sony Xperia 新機發佈會現場直播
- Sony Xperia Z5 Premium, Z5 Compact + Z5 真機規格確定
- Sony Z5 三機真機速睇
- 對決 G4 、 Note 5 ！ Sony Z5 Premium 主打 4K 芒你撐唔撐？
- 第一 4K 芒手機 四個你要知嘅 Sony Xperia Z5 Premium 秘密
- Sony 推出兩款全新耳機 有 Hi-Res 新機
Sony Xperia Z5 在文章刊登時，未有賣價，按這裡有詳細規格及最新報價。
Sony Xperia Z5 Compact 在文章刊登時，未有賣價，按這裡有詳細規格及最新報價。
Sony Xperia Z5 Premium 在文章刊登時，未有賣價，按這裡有詳細規格及最新報價。
